Elizabeth II (regina Britanniarum)

Haec pagina est honorata.
E Vicipaedia
Wikidata Elizabeth II (regina Britanniarum)
Res apud Vicidata repertae:
Elizabeth II (regina Britanniarum): imago
Elizabeth II (regina Britanniarum): imago
Elizabeth II (regina Britanniarum): subscriptio
Elizabeth II (regina Britanniarum): subscriptio
Nativitas: 21 Aprilis 1926; Eia
Obitus: 8 Septembris 2022; Castellum Balmoral
Patria: Britanniarum Regnum
Nomen nativum: Elizabeth Alexandra Mary Windsor

Officium

Officium: Gubernator Ecclesiae Anglicae, Consortionis Populorum Princeps, monarch of the Dominion of Ceylon, monarch of the Dominion of Pakistan, monarch of the Union of South Africa, monarch of the commonwealth realm of Ghana, monarch of the Federation of Nigeria, monarch of the commonwealth realm of Sierra Leone, monarch of Trinidad and Tobago, monarch of the commonwealth realm of Uganda, monarch of the commonwealth realm of Kenya, monarch of the State of Malta, monarch of the commonwealth realm of the Gambia, monarch of the commonwealth realm of Guyana, monarch of the commonwealth realm of Mauritius, monarch of the Dominion of Fiji, monarch of Barbados, monarch of Jamaica, monarch of the Bahamas, monarch of Grenada, monarch of Papua New Guinea, monarch of the Solomon Islands, monarch of Tuvalu, monarch of Saint Lucia, monarch of Saint Vincent and the Grenadines, monarch of Belize, monarch of Antigua and Barbuda, monarch of Saint Kitts and Nevis, monarch of New Zealand, monarch of Tanganyika, Rex/Regina Britanniarum, monarch of Malawi, monarch of Australia, monarch of Canada, Lord of Mann, Duke of Lancaster, Commander-in-Chief of the Canadian Forces, heir presumptive, Queen of Trinidad and Tobago
Munus: Monarcha

Consociatio

Familia

Genitores: Georgius VI; Elisabetha Bowes-Lyon
Coniunx: Philippus dux Edinburgensis
Proles: Carolus III (rex Britanniarum), Anne, Princess Royal, Prince Andrew, Duke of York, Prince Edward, Duke of Edinburgh
Familia: Windsorani

Memoria

Laurae: Crux magna Legionis Honoris, Knight Grand Cross with Collar of the Order of Merit of the Italian Republic, Grand Order of King Tomislav, Ordo Aquilae Albae, Collar of the Order of the White Lion, Ordinis Velleris Aurei eques, Order of the Crown of India, Ordo Periscelidis, Knight Grand Cross with Collar of the Order of Saint Olav‎, Order of the Three Stars, 1st Class, Grand Cross Special Class of the Order of Merit of the Federal Republic of Germany, Collar of the Order of the Star of Romania, Grand Cross of the Order of Merit of the Republic of Poland, Knight Grand Cross in the Order of the Netherlands Lion, Collar of the Order of the Cross of Terra Mariana, Grand Cross with Collar of the Order of the Falcon, Grand Cordon of the Order of Leopold, Grand Cross of the Order of the Southern Cross, Grand Cross with collar of the Order of Vytautas the Great, Time Person of the Year, Order of Freedom of the Republic of Slovenia, Order of the Nile, Order of the Yugoslavian Great Star, Order of the Supreme Sun, Defence Medal, War Medal 1939–1945, King George VI Coronation Medal, Royal Family Order of George VI, Grand Order of Mugunghwa, Decoration for Exceptional Merits, Order of the Star of Ghana, Xirka Ġieħ ir-Repubblika, Order of the Golden Heart of Kenya, Order of the Crown of the Realm, Order of the Republic of The Gambia, Order of the Crown of Brunei, Order of Kuwait, Darjah Utama Temasek, Order of the Niger, Order of Valour, Grand Cordon of the National Order of the Leopard, Order of Independence, Order of the Republic (Tunisia), Star of the Republic of Indonesia, National Order of the Ivory Coast, Order of the Star of Africa, Order of the Pioneers of Liberia, National Maltese Order of Merit, Order of Independence, Grand Cross of the National Order of the Lion, Order of the Virtues, Order of Ojaswi Rajanya, Order of Oman, Order of the Star of Jordan, Order of King Abdulaziz al Saud, Order of al-Hussein bin Ali, Grand Collar of the Order of Good Hope, Crux Magna Taeniae Trium Ordinum, Order of the Gold Lion of the House of Nassau, Grand Cross of the National Order of Mali, Order of Manuel Amador Guerrero, Order of Solomon, Order of the Equatorial Star, Collar of the Order of Merit, Order of Merit for Distinguished Services, Order of the Golden Fleece, Grand Cross of the Order of the White Double Cross‎, Order of the Royal House of Chakri, Grand Collar of the Military Order of the Tower and Sword, Ordo Regius Seraphinorum, Grand Cross of the Order of Charles III, Order of Boyacá, Order of State of Republic of Turkey, Order of Mubarak the Great, Star of the Socialist Republic of Romania, Albert Medal, Ordo Elephantis, Collar of the Supreme Order of the Chrysanthemum, Grand Star of the Decoration for Services to the Republic of Austria, Grand Collar of the Military Order of Saint James of the Sword, honorary doctor of the Royal College of Music, Ordo Salvatoris, Member of the Order of Canada, Order of Idris I, Order of the Seal of Solomon, Ordo Caroli III, Hungarian Order of Merit, Order of the Aztec Eagle, Order of Sālote Tupou III, Grand Cross with Collar of the Order of the White Rose of Finland
Sepultura: King George VI Memorial Chapel

Elizabeth II[1][2] (Elizabeth Alexandra Maria Windsor, nata Mayfair in regione urbana Londinii die 21 Aprilis 1926; mortua apud Castellum Balmorale in Praefectura Aberdonensi die 8 Septembris 2022[3]) fuit monarcha constitutionalis quindecim civitatum suorum iurum regnorum Consortionis Populorum appellatarum, caput Consortionis Populorum, ac caput civitatis Provinciarum Coronae Britannicae.[4][5]

Ad regnum anno 1952 accedens, facta est Consortionis Populorum Princeps et regina regnans septem liberarum Consortionis Populorum civitatum: Britanniarum Regni, Canadae, Australiae, Novae Zelandiae, Unionis Africae Australis, Dominionis Pakistaniae, et Dominionis Taprobanes. Inter 1956 et 1992 numerus suorum regnorum variabatur cum territoria libertatem capesserent et quaedam regna reipublicae facta essent. Demum, cum civitatibus quattuor supradictis, Elizabeth est Regina Iamaicae, Barbatae, Insularum Bahamensium, Granatae, Papuae Novae Guineae, Insularum Salomonis, Tuvalu, Sanctae Luciae, Sancti Vincentii et Granatinarum, Belizae, Antiquae et Barbudae, et Sancti Christophori et Nevis. Eius regnum, annorum 71 et dierum 214, erat primum a regno monarchae Britannici longissime regnante. Sui iubilaeum adamantini anno 2012 iubilaeumque platini anno 2022 celebrabantur.

Elizabeth, Londinii nata, domi secreto educata est. Pater regnum excepit Georgius VI anno 1936, Eduardo VIII fratre se regno abdicante. Ea ad rempublicam per secundum bellum mundanum accessit, cum in Auxiliary Territorial Service? mereret. Anno 1947, Principi Philippo, Duci Edinburgi, nupsit, cui quattuor liberos peperit: Carolum, Annam, Andream, Eduardum. Eius ritus impositionis diadematis anno 1953 factus est, primus televisione emissus.

Inter eius multas salutationes historicas et congressiones sunt salutatio civitatis ad Rempublicam Hibernicam salutationesque mutuae ad et a tribus papis Catholicis Romanis. Intra Regnum Britanniarum, ea maiores observavit mutationes constitutionales, inter quas Conventus Nationalis Cambriae apertus et Parlamentum Scoticum apertum.[6] Inter tempora sibi magni momenti fuerunt ortus et nuptiae liberorum, ortus nepotum et neptium, inauguratio Principis Walliae, et celebratio festorum dierum argenteorum et festorum dierum aureorum annis 1977 et 2002 habitorum. Atque celebratio festorum dierum adamantinum et festorum dierum platinorum annis 2012 et 2022 habitorum.

Maiores vitae reginae res gestae societatem comprehendunt Regni Britanniarum et Consortionis Populorum in nonnullis bellis, inter quae Tumultus in Hibernia Septentrionali, Bellum Coreanum, Bellum Falklandense, atque bella cum Iraquia et Afgania.[7] Fuerunt tempora magni doloris proprii, inter quae praematurus patris obitus; caedes Domini Mountbatten, patrui Principis Philippi; dissolutio matrimoniorum liberorum 1992 (anno quem ipsa Latine annum horribilem appellavit); mors anno 1997 nurus Dianae, Principissae Cambriae; mortesque matris et sororis anno 2002. Ea iniquum familiae regalis iudicium ex prelo humili aliquando accepit, etiam adeo opiniones respublicanas, ambo in Britanniarum Regno et in aliis civitatibus Consortionis Populorum, sed populi favorem continenter conservat.

Multis in linguis sunt tituli eius auctoritate proclamata; Latine sic dicuntur: Elizabeth II, Dei Gratia Britanniarum Omnium Regnorumque Suorum Ceterorum Regina, Consortionis Populorum Princeps, Fidei Defensor. Ceterum autem Ecclesiae Anglicanae quoque praesedit.

Vita[recensere | fontem recensere]

Elizabeth as a thoughtful-looking toddler with curly, fair hair
Principissa Elizabeth, tres annos nata, 1929.

Elizabeth fuit progenies prima Principis Alberti, Ducis Eboracensis (deinde Regis Georgii VI), eiusque uxoris Elizabeth. Pater fuit alter Regis Georgii V et Reginae Mariae filius, et mater fuit minima Claudii Bowes-Lyon, quarti decimi Comitis Strathmore et Kinghorne, nobilis Scotici, filia. Nata est sectione Caesareana apud 17 Bruton Street, Mayfair, domi avi materni Londinii, hora 2:40 a.m. (GMT) die 21 Aprilis 1926.[8] Cosmo Lang, Archiepiscopus Eboraci Anglicanus, eam baptizavit in domestica Palatii Buckinghamensis cappella die 29 Maii.[9] Appellata est Elizabeth ex matre, Alexandra ex matre Georgii V (quae sex menses ante mortua erat), et Maria ex avia paterna.[10] Familiares eam Lilibet appellaverunt.[11] Georgius V neptem tam fovit ut, per aegritudinem periculosam anno 1929, eius salutationes constantes in diariis apud populum gratiosis et deinde a biographis habebantur suos spiritus confirmavisse et recuperationem adiuvisse.[12]

Una cum Margarita sorore a praeceptoribus privatis educata est.

Anno 1936, cum patruus Eduardus VIII regno se abdicaret, Elizabeth throni heres facta est. Inter secundum bellum mundanum, Elizabeth Vindesoriae in oppido prope Londinium habitabat, et ab anno 1944 Auxiliary Territorial Service auxilium dedit.

Patre Georgio VI die 6 Februarii 1952 mortuo, Elizabeth regina Londinii rite proclamata est, dum ea Keniam visitabat. Diadema ei impositum est die 2 Iunii 1953.

Funus civicum apud Abbatiam Westmonasteriensem die 19 Septembris 2022 ei factum est.

Iubilaeum adamantinum[recensere | fontem recensere]

Adamantinum Elizabethae iubilaeum anno 2012 eam sexaginta annos reginam celebrat. Die olim initi a se imperii regina nuntiavit: "Hoc anno singulari, cum me denuo officio vestro dedico, spero fore, ut nobis omnibus consensus unitatisque potentia et convocans vis familiae, amicitiae, viciniae in memoriam reducatur. . . . Hoc anno iubilaeo etiam, ut spero, pro omnibus ab anno 1952 melioribus factis gratiae agentur, futura autem claro iudicio et corde calente exspectentur."[13]

Elizabetha una cum marito iter maximum per Britanniarum Regnum suscepit, cum liberi ac nepotes reginae nomine regna Consortionis Populorum visitarent. Die 4 Iunii, plurimis orbis terrarum locis, imprimis autem Londinii, dies sollemnes summum fastigium attigerunt.

Elizabetha die 20 Novembris 1947 Philippo nupsit (nato 10 Iunii 1921), Principi Graeciae et Daniae, filio Principis Andreae Graeciae et Daniae (filii Georgi I, primi regis Graeciae, et reginae Olgae, natae magnae ducissae Russiae) principissaeque Aliciae Mountbatten (filiae principi Ludovici Mountbatten et principissae Victoriae Hassiae et Rheni), qui ad matrimonium honorandum suos regios titulos amisit, maternum cognomen (quod anno 1917 anglicizatus erat et factus Mountbatten pro Theodisco Battenberg) sumpsit, ut Edimburgi dux crearetur. Ei quattuor liberos peperit.

Familia[recensere | fontem recensere]

Horum ex parte liberorum, octo nepotes Elizabethae Philippique sunt:

Arma gentilitia[recensere | fontem recensere]

Die 21 Aprilis anno 1944, principissae Elizabethae arma gentilitia propria super scutum domicellae atque paris regni parallelogrammum, immo rhombum, indutum ab armis Britanniarum Regni componuntur, cum transversa scuti gentilitii taenia vel potius lambello inter pendentes argenteos tres dispertita inter quos is media Tudorum rosa una dum ii dexter sinisterque Georgii crucem praebentur.[14] Postquam ad thronum accessit evidenter ipso facto lambellus ille desitus est pro armis Britanniarum Regni plenis.

Pelliculae[recensere | fontem recensere]

Notae[recensere | fontem recensere]

  1. "Elizabeth": sic Latine in legendis nummorum Britannicorum: "ELIZABETH II DEI GRATIA BRIT[anniae] REG[ina] F[idei] D[efensor]."
  2. Nomen et titulum Latine decretum "Elizabeth II, Dei Gratia Britanniarum Regnorumque Suorum Ceterorum Regina, Consortionis Populorum Princeps, Fidei Defensor" in hac pagina habes.
  3. "Queen Elizabeth II dies aged 96 at Balmoral," The Telegraph, 8 Septembris 2022.
  4. Situs publicus administrationis Civitatum Guernsey, apud www.gov.gg.
  5. Situs publicus monarchiae Britannicae apud www.royal.gov.uk.
  6. The Queen's reign by decade: 1992-2001
  7. The Queen's reign by decade.
  8. Bradford, p. 22; Brandreth, p. 103; Marr, p. 76; Pimlott, pp. 2–3; Lacey, pp. 75–76; Roberts, p. 74.
  9. Hoey, p. 40.
  10. Brandreth, p. 103.
  11. Pimlott, p. 12.
  12. Lacey, p. 56; Nicolson, p. 433; Pimlott, pp. 14–16.
  13. "The Queen's Diamond Jubilee message." Royal Household.
  14. "Heraldry Traditions". Locumtenens Gubernator Columbiae Britannicae. 2007 .

Bibliographia[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Elizabeth II (reginam Britanniarum) spectant (Queen Elizabeth II, Elizabeth II of the United Kingdom).