Carolus Ravens

E Vicipaedia
Salire ad: navigationem, quaerere
Carolus Ravens 1978

Carolus(Theod.: Karl) Ravens (natus 29 Iunii 1927 oppido Achim apud Bremam; mortuus die 8 Septembris 2017) vir publicus Germaniae et sodalis SPD fuit.

Iuventus et munus[recensere | fontem recensere]

Pater eius, qui in societate ferroviaria laboraverat, Post scholam finitam Ravens tirocinium aeronavium structoris fecit atque 1944 probationem accepit. Post officium laboris et militiam apud aeronauticam Ravens brevi tempore in captivitate belli Britannorum fuit et tum annis 1946 - 1948 munus mechanici autoraedorum edidiscit. Annis 1969 - 1961 tiros fabricae autoraedarum Bremae instruxit.

Familia[recensere | fontem recensere]

Ravens maritus est atque filium habet.

Cursus honorum[recensere | fontem recensere]

Ravens ab anno 1950 sodalis SPD est. Ab anno 1961 Ravens legatus Dietae Foederalis Germaniae erat. Ravens ab anno 1969 secretarius statalis in Administerio Foederali Aedificiorum, ab anno 1972 apud cancellarium foederalem - tum Gulielmum Brandt (SPD) - fuit. 16 Maii 1974 ipse Administer Foederalis Aedificiorum ab Helimuto Schmidt cancellario novo nominatus est. Ianuario 1976 factio sua eum candidatum successoris Alfredi Kubel (SPD) praesidis ministrorum Saxoniae Inferioris nominavit, sed ut antea Helimutus Kasimier (CDU) a senatu terrae repudiatus est: Ernestus Albrecht (CDU) successor electus est. 16 Februarii 1978 administer foederalis se recessit atque 15 Iunii etiam Dietam Foederalem reliquit, ut praeses legatorum suae factionis in senatu terrae Saxoniae Inferioris fieret. Annis 1979 - 1984 praeses SPD huius terrae erat et annis 1982 et 1986 frustra candidatus contra Ernestum Albrecht contendit. Annis 1986 - 1990 etiam praeses vicarius senatus terrae fuit. Tum parlamentum Saxoniae Inferioris reliquit.

Nexus externi[recensere | fontem recensere]

Consilium ministrorum Schmidt I (16 Maii 1974 - 14 Decembris 1976)
Consilium ministrorum Schmidt II (16 Decembris 1976 - 4 Novembris 1980)