Bibliotheca historica (Diodorus)

E Vicipaedia
Jump to navigation Jump to search
Manuscriptum ornatum primae versionis Latinae a Poggio Florentino curatae.

Bibliotheca historica (Graece Βιβλιοθήκη ἱστορική), opus a Diodoro Siculo medio saeculo 1 a.C.n. scriptum, partim servatur. Res gestas orbis terrarum narrat a mundo creato usque ad Bellum Gallicum incipiens.

De primis versionibus[recensere | fontem recensere]

Instigante papa Nicolao V Poggius Bracciolinus versionem Latinam quinque primorum librorum Bibliothecae historicae anno 1449 absolvit quae per manuscripta primum diffusa est atque anno 1472 prelo typographico Bononiae mandata est. Iterum atque iterum usque ad sedecimum saeculum impressa est. Per hanc interpretationem igitur Diodorus innotuit, quae hodieque philologorum animos in se advertit ː non enim compertum habent utrum Poggius manuscripto hodie perdito usus sit necne. Itaque editores Diodori Siculi eius textum scrutari solent. Anno 1515 Angelus Cospus libros XVI-XVII Latine vertit. Anno 1548 Basileae apud Henricum Petri editio Latina data est quae duobus supradictis interpretibus libros XI-XIII "incerto interprete"[1] addebat ac simul auctores Latinos Daretem Phrygium et Dictyn Cretensem inter librum quintum et reliqua inserebat.

Francogallice vertit libros XVIII-XX ex interpretatione Latina Iohannis Lascaris Claudius de Seyssel, Ludovico XII adhuc regnante[2]. Simili modo Antonius Macault tres primos libros vertit non e Graeco sed e Poggii versione[3]. Et anno 1554 Iacobus Amyot; qui in primis ob interpretationem Plutarchi operum e Graeco notus est, libros XI-XVII Gallice vertit[4]. Omnes illae interpretationes antequam textus Graecus prelo mandaretur impressae sunt.

Bibliographia[recensere | fontem recensere]

Editiones et versiones
Philologica et critica
  • Burton, Anne (1972). Diodorus Siculus. Book 1. A Commentary. Lugduni Batavorum: Brill  (Anglice)
  • Chamoux, François and Pierre Bertrac (1972). Diodorus Siculus. Bibliothèque historique. Vol 1. Introduction générale. Lutetiae: Les Belles Lettres  (Francogallice)
  • Sacks, K. S. (1990). Diodorus Siculus and the First Century. Princetoniae: Princeton University Press  (Anglice)

Notae[recensere | fontem recensere]

  1. Ad quintum decimum saeculum referendus est, quia manuscriptis iam tum divulgabatur.
  2. L'histoire des successeurs de Alexandre le Grand extraicte de Diodore Sicilien : et quelque peu de vies escriptes par Plutharque, translatee par messire Claude de Seyssel conseillier et maistre des requestes du roy Loys roy de France douziesme de ce nom, Parisiis, Josse bade, 1530.
  3. Les Trois premiers livres de l'histoire de Diodore Sicilien,... translatez de latin en françoys par maistre Anthoine Macault,..., Paris, 1535.
  4. Sept livres des histoires de Diodore Sicilien, nouvellement traduyts de grec en françoys, Paris, Vascosan.

Nexus externi[recensere | fontem recensere]

Stipula Haec stipula ad litteras spectat. Amplifica, si potes!