Constantia (Romania)

Vide etiam paginam discretivam: Constantia

Constantia (Tomis)

Situs urbis Constantiae

Constantia (Dacoromanice: Constanța) vel nomine classico Tomis est urbs Romaniae circiter 310 471 incolarum (anno 2002).

Historia.

Statua poetae Ovidii Constantiae posita.

Tomis (graece Τόμοι), colonia a Milesiis deducta, septimo vel sexto saeculo a.C.n. condita est in litore laevo Ponti Euxini prope ostium Istri, quae regio tum a Getis incolebatur. Ita urbs Geto-Graeca fuit, antequam, primo saeculo a.C.n., in Romanam dicionem redigeretur. In provincia Moesia tum inclusa est.

Nobilis in primis erat ob exsilium poetae Ovidii qui extremam vitam ibi egit ab anno 9 (mortuus est anno 17 vel 18). Miserrimus poeta multum de frigore ac de incursibus barbarorum trans Istrum in elegiis questus est. Popularem etymologiam de nomine huius urbis nobis tradidit, a verbo Graeco τεμειν (id est secando) ductam, tamquam Medea cum Iasone patrem Aeetam fugiens, huc appulisset atque fratrem Absyrtum necavisset et membra eius hoc animo secuisset ac dispersisset, ut persequentes tardaret, dum membra miseri pueri lugens pater colligit atque sepelit. Haec etymologia verisimilis quidem non est, sed cum maesto animo exulis poetae optime congruit.

Postea urbs eadem Constantia vocata est in honorem Constantiae, sororis Constantini imperatoris qui Constantinopoli nomen suum dedit. Parva urbs sine vi medio aevo fuit.

Fontes.

• Ovidius, Tristia.
  • Epistulae ex Ponto.

Pinacotheca

• 

  Litus apud Constantiam

• 

  Fabrica navium

• 

  Monumentum Libertatis(Statuia Libertăţii)

Nexus externus

Vicimedia Communia plura habent quae ad Constantiam spectant.

Haec stipula ad urbem spectat. Amplifica, si potes!