Boreas

Boreas Oreithyiam rapit. Oenochoe rubeis figuris ex Apulia. Museum Lupariense.

Boreas (-eae, masc.), lingua Graeca Βορέας, „Septentrionalis”, ventus est qui a septentrionibus flat. Ventus est ergo frigidus. Graeci pluviam frigidam "bora" seu μπόρα appellant.

De Borea mythico.

Boreas maiores partes in mythologia Graeca egit quam ceteri venti. Nam Orithyiam, filiam regis Erechtei, Athenis rapuisse dicitur ac secum in Thraciam duxisse ubi uxorem habuit. Ex ea duos filios genuit, Calain et Zeten, -qui expeditioni Argonautarum interfuerunt-, et duas filias Chionen et Cleopatram quae regi Phineo nupsit.

In Thracia antrum montis Haemi habitasse dicitur. Barbatus et alatus in vasibus pictus est.

Fontes.

• Hyginus mythographus Fabulae 53,140.
• Ovidius libro sexto Metamorphoseon versus 675-721

Rosae ventorum

Boreas in pluribus rosis ventorum:

Quattuor venti secundum Homerum.

Undecim venti secundum Aristotelem.

Duodecim venti secundum Museum Pio-Clementinum.

Alia coepta Vici

Vicimedia Communia plura habent quae ad Boream spectant.

Venti

Euros oriens, boreas septemtrio, occidens zephyros, austros medius dies mittit.
Lucii Apuleii De mundo, XI