Paris (heros)

E Vicipaedia
Jump to navigation Jump to search

Vide etiam paginam discretivam: Paris

Iudicium Paridis ab Antonio Raphael Mengs pictum (1757).
Paris et Helena a Iacobo Ludovico David picti (1788).

Paris (Πάρις), sive Alexander (Ἀλέξανδρος), heros Troianus, erat filius Priami regis et Hecubae, frater Hectoris et Cassandrae et Deiphobi. Ob raptum Helenae maxima culpa in bello Troiano movendo ei adsignabatur.

Fabula[recensere | fontem recensere]

Puer, orbatus in monte Ida, ibi inter pastores crevit. Iudicium cum esset prolaturus de controversia inter Iunonem, Minervam et Venerem, quae esset dearum pulcherrima, Veneri, quae se ei Helenae amorem daturam pollicita est, praemium tribuit. Propterea ceteris deabus odio fuit.

Fretus Veneris pollicitationibus, Helenam, Menelai coniugem, rapuit; propter hoc Agamemnon, Menelai frater, Troianis bellum indixit. Arcu et sagittis ante Troiam pugnabre solebat Parisː ita Diomedem[1] et Machaonem[2] et Eurypylum[3] vulneravit. Anno decimo belli, tempore eventis in Iliade narratis posteriore, Achillem telo necavit. At pugna singulari Menelao commissus, quae pugna de exitu belli secundum pactum inter duces factum decretura erat, perisset nisi fraude deae Veneris fato substractus esset[4]. Ita homines bellum finire nequiverunt quod dei usque ad Troiae exitium perducere volebant.

Tandem Philoctetes telo interfecit Paridem; quo mortuo et Troia expugnata, Helena ad Menelaum rediit.

Notae[recensere | fontem recensere]

  1. Ilias XI.369-400.
  2. Ilias XI.505-520.
  3. Ilias XI.581-584.
  4. Ilias III.15-75 et 310-382.

Plura legere si cupis[recensere | fontem recensere]

  • Hubert Damisch, Le jugement de Pâris : iconologie analytique, Flammarion, 1997.
  • Un mythe aux origines de l'Occident : le jugement de Pâris : actes des journées d'études des 13 et 14 novembre 1998, Université Charles-de-Gaulle-Lille 3, 2003 = Uranus Mythes et littérature n.10.

Nexus interni

Nexus externi[recensere | fontem recensere]