Thoas Aetolus

E Vicipaedia
(Redirectum de Thoas (Aetolus))
Jump to navigation Jump to search

Vide etiam paginam discretivam: Thoas (nomen)

Thoas (Graece Θόας) in fabulis Graecis est Andraemonis et Gorgae filius, Aetolorum rex, qui quadraginta naves ad Troiam duxit[1].

Procus Helenae fuit, ut Hesiodus dicit[2]. In Iliade Pirum occidit[3] et bonum consilium Achivis dat (XV 281). Neptunus specie Thoantis indutus ad Idomeneum alloquitur[4]. In Odyssea Ulisses incognitus Eumaeo fabulam narrat, quomodo ille cum Thoante et Ulisse explorationem faceret[5]. Ludorum, quae Achaei post mortem Achillis fecerant, particeps fuit[6] et in equo Troiano erat[7].

Post bellum ex Ilio Minervae imaginem extulit et domum advehit; in Amphissa Pausanias eam vidit[8]. Filiam eius Ulisses nupsit[9] Lycophron in Libyam et post in Illyriam a tempestatibus eum auferri dicit,[10] sed secundum Strabonem in Temesam[it] oppidum Bruttii venerat ibique habitabat.[11].

Notae[recensere | fontem recensere]

  1. Homeri Ilias, II 644; Apollodori Bibliothecae epitome, 3, 12. Vel quindecim, ut in Hygini fabulis (97) dicitur.
  2. Catalogi mulierum fragmentum 198 (Merkelbach — West).
  3. IV 527—538.
  4. XIII 206—239.
  5. Odyssea, XIV 499.
  6. Quinti Smyrnaei Posthomerica, IV 563—592.
  7. Vergilii Aeneis, II 262, Quinti Smyrnaei Posthomerica, XII 341.
  8. Descriptio Graeciae, X 38, 5.
  9. Apollodori Bibliothecae epitome 7, 40.
  10. Lycophronis Alexandra, 1012 cum scholiis.
  11. Strabonis Geographia, VI 1, 5.