Magnesium

²⁴Mg	78,99%	Mg est stabile cum XII neutronibus
²⁵Mg	10%	Mg est stabile cum XIII neutronibus
²⁶Mg	11,01%	Mg est stabile cum XIV neutronibus (²⁶Mg in geologia isotopica proficiens est)

Magnesium^[1] est elementum chemicum metallicum alcalicum terrenum cui symbolus Mg et numerus atomicus duodecim sunt et pondus atomicum 24,31 g/mol. Magnesium est octavum elementum et tertium metallum, pone aluminium et ferrum, de eis quae solidam terrestrem corticem componunt. Magnesium circa binas centesimas ponderis corticis facit. Magnesium tertium locum obtinet inter elementa chemica quae in aqua marina diluta sunt.

Nomen e regione antiqua Thessaliae, Magnesia, quae magnesio abundabat, sumpsit.

In biologia

Maximi momenti ad vitam terrestrem est magnesium quoniam ion magnesii (Mg⁺⁺) magnas partes in photosynthesi agit et media chlorophylli molecula iacet. In animalium corporibus plerumque ut cofactor enzymorum operam dat ut in glycolysi.

De metallo

Metallum ab hominibus per electrolysim et reductionem chemicam ex compositis purificatur: est materia candida, lucida et mollis quae pellicula cana oxidi in aere tegitur. Nam perfacile oxidatur et duos electrones exteriores celeriter amittit ita ut in rerum natura vix pura inveniatur sed aut cation aut pars corporis compositi apparet. In aere comburitur flammam candidam et lucidam emittens nec ille ignis aut CO₂ aut aqua exstingui potest quae a contrario flammas stimulant.

Ob parvam densitatem magnesium in aeroplanis et autocinetis utile est. Levissimum enim e metallis utilibus est.

De compositis

Inter composita praeclarum est chloridum magnesii MgCl₂ quod et ad sanitatem humanam adhibetur purgandi causa. Item lac Magnesiae Mg(OH)₂ aciditatem stomachi impugnat quia basis chemica est. Talcum quoque in magnesii silicate hydroxydato (Mg₃Si₄O₁₀(OH)₂) consistit.

Magnesii oxidum MgO calores extremos tolerat (usque ad 2800 gradus Celsii): calorem conducit sed non electricitatem. Itaque ut insulator in apparatibus calorificis electricis adhiberi solet.

Notae

↑ "Magnesium": Peter van der Krogt, "Elementa chemica" apud situm Elementymology & Elements Multidict

Fontes

Atkins, Jones, Laverman. Chemical principles. The Quest for Insight, septima editio, WH Freeman, 2016.

Nexus interni

Glycolysis

Plura legere si cupis

Fundamentals of magnesium alloy metallurgy (ed. Mihriban O. Pekguleryus, Karl U. Kainer et A. Arslan Kaya), Woodhead, 2013 Nonnullae paginae apud Guglum librorum
Magnesium in human health and disease (ed. Ronald Ross Watson, Victor R. Preedy, Sherma Zibadi), Humana Press, 2013 Nonnullae paginae apud Guglum librorum
Nurettin Sezer et alii, "Review of magnesium-based biomaterials and their applications", Journal of Magnesium and Alloys, 2018: 23-43
Nicholas Travis Kirkland, Nick Birbilis, Magnesium biomaterials : design, testing, and best practice, Springer, 2014 Nonnullae paginae apud Guglum librorum

Nexus externi

Hoc elementum apud Patreon: periodic videos

Elementa chemica: series paginarum brevium


1 H 2 He 3 Li 4 Be 5 B 6 C 7 N 8 O 9 F 10 Ne 11 Na 12 Mg 13 Al 14 Si 15 P 16 S 17 Cl 18 Ar 19 K 20 Ca 21 Sc 22 Ti 23 V 24 Cr 25 Mn 26 Fe 27 Co 28 Ni 29 Cu 30 Zn 31 Ga 32 Ge 33 As 34 Se 35 Br 36 Kr 37 Rb 38 Sr 39 Y 40 Zr 41 Nb 42 Mo 43 Tc 44 Ru 45 Rh 46 Pd 47 Ag 48 Cd 49 In 50 Sn 51 Sb 52 Te 53 I 54 Xe 55 Cs 56 Ba 57 La 58 Ce 59 Pr 60 Nd 61 Pm 62 Sm 63 Eu 64 Gd 65 Tb 66 Dy 67 Ho 68 Er 69 Tm 70 Yb 71 Lu 72 Hf 73 Ta 74 W 75 Re 76 Os 77 Ir 78 Pt 79 Au 80 Hg 81 Tl 82 Pb 83 Bi 84 Po 85 At 86 Rn 87 Fr 88 Ra 89 Ac 90 Th 91 Pa 92 U 93 Np 94 Pu 95 Am 96 Cm 97 Bk 98 Cf 99 Es 100 Fm 101 Md 102 No 103 Lr 104 Rf 105 Db 106 Sg 107 Bh 108 Hs 109 Mt 110 Ds 111 Rg 112 Cn 113 Nh 114 Fl 115 Mc 116 Lv 117 Ts 118 Og Elementum • Systema periodicum

[1] "Magnesium": Peter van der Krogt, "Elementa chemica" apud situm Elementymology & Elements Multidict

[1]