Centaurus

Haec pagina figura mythologica explicat. Si aliud quaeris quod etiam "Centaurus" appellatur, vide Centaurus (discretiva).

Lapithae cum centauris pugnantes ad nuptias Pirithoi, regis Lapitharum. Pictura Sebastiani Ricci.

Centauro quidam Hippodamian rapente, Pirithous Theseusque armati ad eam defendendam accurunt. Crater rubentibus figuris ex Apulia, hodie in Museo Britannico.

Centaurus (a verbo Graeco Κένταυροι) in mythologia Graeca est gens monstruosa et biformis: nam ei corpus equi sive quattuor pedibus sive duobus posterioribus praeditum, cum pectore et duobus bracchiis et capite hominis coniunctum est. Horum fabula ex nescientibus etiamtum artem equitandi hominibus nata videtur, quibus equites primum visi terrori fuerunt.

Semiferi fuisse perhibentur: nam cupiditates cohibere nesciebant. Avidi vini erant et mulierum quas rapiebant. Ita centaurus Nessus uxorem Herculis, Deianiram, centauri Rhoecus et Hylaeus Atalantam, Eurytion uxorem Pirithoi, Hippodamian, rapere et comprimere conati sunt. Unde bellum magnum inter Lapithas et centauros exortum est, quo multi centauri perierunt. Multi etiam ab Hercule necati in rixa ex nimia vini cupiditate commissa.

Fuit tamen etiam centaurus sapiens et bonus, Chirone nomine, inventor medicinae artis et praeceptor Achillis.

Vide etiam

• Libri de Harrio Potter, 3, 4, 6, 7
• The Chronicles of Narnia, liber 2
• The Lightning Thief, liber 1

Fontes antiqui

Pugna Lapitharum et centaurorum ex Ovidii narratione a Petro di Cosimo circa 1500 picta.

• Homerus, libro vicesimo primo Odysseae : 295–305
• Hyginus mythographus Fabulae 33
• Lucanus libro sexto Pharsaliae versibus 386–394.
• Ovidius, Metamorphoses XII.210–541.
• Valerius Flaccus libro primo Argonauticorum 140–147.

Fontes hodierni

• Grant, M., et J. Hazel. 1979. Who's Who in Greek Mythology. David McKay & Co Inc.
• Rose, Carol. 2001. Giants, Monsters, and Dragons: An Encyclopedia of Folklore, Legend, and Myth. Novi Eboraci: W. W. Norton & Company, Inc. Praecipue p. 72. ISBN 0-393-32211-4.
• Parker, Frédérick S. Finding the Kingdom of the Centaurs.

Nexus externi

Vicimedia Communia plura habent quae ad Centauros spectant.

• Theoi inceptum in Centauros in litteratura
• "MythWeb"

Haec stipula ad mythologiam spectat. Amplifica, si potes!