Alexander Nevensis
Alexander Iaroslai filius (Ruthenice antiqua Олександръ Ярославичь, tr. Oleksandrʺ Jaroslavičʹ; Russice Александр Ярославич, tr. Aleksandr Jaroslavič), cognomento Nevensis[1] (Russice Невский, tr. Nevskij), natus circa annum 1220 Pereslaviae, mortuus 14 Novembris secundum Calendarium Iulianum (21 Novembris secundum Gregorianum) anno 1263 in urbe Gorodets, fuit dux Novogardiae Magnae (annis 1236—1240, 1241—1252, 1257—1259), magnus dux Kioviae (annis 1249—1263) et magnus dux Volodimiriae (annis 1252—1263).
Die 15 Iulii anno 1240 dux Alexander cum exercitu suo copias Sueciae in pugna apud Nevam fluvium vicit, et propterea cognominatus est "Nevensis", seu vulgo "Nevski". Die 5 Aprilis anno 1242 cum copiis suis exercitum Ordinis Livonici (partis Ordinis Teutonici) in terras Ruthenicas invadentem vicit in pugna, "Proelium glaciale" (Russice Ледовое побоище) vocata, in glacie lacu Peipus. Contra invasiones ex occidente pugnans, dux Alexander cum Orda Aurea, sub cuius iugum Ruthenia tunc erat, pacem sustinebat.
Anno 1547 Alexander Nevensis canonizatus est ab Ecclesia Orthodoxa Russica.
[recensere] Notae
- ↑ N. Nilles, Kalendarium manuale utriusque ecclesiae orientalis et occidentalis, tomus I., p. 446; Scriptores rerum livonicarum, p. 694
[recensere] Nexus externus
 |
Vicimedia Communia plura habent quae ad Alexandrum Nevensem spectant. |
