Roman numeral 10000 CC DD.svg
Latinitas bona

Dominicopolis

E Vicipaedia
Salire ad: navigationem, quaerere
Wikidata-logo.svg Dominicopolis
Res apud Vicidata repertae:
Dominicopolis: insigne
Civitas: Respublica Dominicana
Numerus incolarum: 2 581 827
Zona horaria: UTC-4
Situs interretialis
Dominicopolis: situs

Dominicopolis[1] sive urbs Sancti Dominici,[2] vulgo plene Santo Domingo de Guzmán, anno 1502 condita, est caput, urbs maxima et portus principalis rei publicae Dominicanae, ad ostia fluminis Ozamae stans in orientali insulae Hispaniolae parte. Dominicopolis in pago nationali capitali stat, qui intra fines provinciae Dominicopolitanae comprehenditur. In urbe ipsa per censum anni 2010 incolarum 965 040, sed in pago nationali anno 2014 incolarum 1 402 749 enumerati sunt.

Origo et historia[recensere | fontem recensere]

Forma "civitatis S. Dominici" anno 1589 a Baptista Boazio delineata quo tempore Franciscus Drakus hanc urbem nuper oppugnaverat

Insulam omnem populus Taíno Arawakensis olim tenuit. Ad ostia Ozamae fluminis, utilitate portús recognita, oppidum iuxta ripam orientalem iam die 5 Augusti 1498 condidit Bartholomaeus Columbus, qui praefectus vicarius insulae Hispaniolae iuxta fratrem Christophorum merebat, nomenque La Nueva Isabela dedit. Quo oppido furacanis mense Augusto 1502 deleto, praefectus fratribus Columbis successor Nicolaus de Ovando coloniam ad oram occidentalem removit et eodem anno sub nomine "civitatis Sancti Dominici" condidit. Urbem anno 1586 Franciscus Drakus cepit redemptionemque postulavit.

Res visitandae[recensere | fontem recensere]

Media urbs, quae formam et faciem urbis Hispanicae saeculo XVI et XVII magna parte servat, inter hereditatem mundi apud UNESCO enumeratur.

Incolae notabiles[recensere | fontem recensere]

Notae[recensere | fontem recensere]

  1. Carolus Egger, Diurnarius Latinus. Epitome actorum diurnorum in lingua Latina. (1980. ISBN 88-209-4366-2) p. 43
  2. "Civitas S. Dominici": vide imaginem nostram anni 1589

Bibliographia[recensere | fontem recensere]

  • Thorsten Sagawe, "Die Altstadt von Santo Domingo" in Geographische Rundschau (1992) pp. 536-542 (Theodisce)

Nexus externi[recensere | fontem recensere]

Via mercatoria Calle El Conde circa diem Christi natalem pictus
Commons-logo.svg Vicimedia Communia plura habent quae ad Dominicopolin spectant.