Roman numeral 10000 CC DD.svg
Latinitas bona

Dallasium

E Vicipaedia
Salire ad: navigationem, quaerere
Wikidata-logo.svg Dallasium
Res apud Vicidata repertae:
Dallasium: insigne
Civitas: Civitates Foederatae Americae
Zona horaria: UTC−6
Situs interretialis
Dallasium: situs

Dallasium, vulgo Dallas est urbs civitatis Texiae in Civitatibus Foederatis et pars complexus metropolitani Dallasii et Arcis Vorthensis. Incolis 1 197 816 anno 2010 relatis, Dallasium inter urbes Civitatum Foederatum omnium locus nonus tenet quo ad numerum hominum pertinet et intra Texiam locum tertium: Hustonia enim et urbs Sancti Antonii maiores sunt. Industria Petrolei et transportationis, technologia computatrorum, negotia mercatoria, ibi florent. Dallasii constituitur sedes societatis telecommunicationum AT&T‎.

Historia[recensere | fontem recensere]

Populus Caddo olim eas terras tenebat, quas saeculo XVI in viceregnum Novae Hispaniae Hispanicum atque ab anno 1821 in provincia Coahuila et Texia civitatis Mexicanae denuo liberae. Mox autem anno 1836 Texia ipsa civitas libera proclamata est. Sub quo regimine Dallasium ab Ioanne Neely Bryan anno 1841 conditum est eo loco ubi via vetus, quam Preston Trail Anglice appellabatur, indigenis necnon migrantibus Europaeis cognita, flumen Trinitatis pervadebat. Ratio autem, qua nomine Dallas nuncupaverit, nascitur.

Texia in Civitatibus Foederatis anno 1845 incorporata, Dallasium ad nexum viarum frequentatarum quae ad meridiem et occidentem tendebant, atque ab anno 1873 ad intersectionem ferriviarum Houston and Texas Central Railroad et Texas and Pacific Railway positum citius crescebat. Iam anno 1871 ad dignitatem urbis elevatum est. Fuit iam saeculo XIX exeunte emporium tam Texiae quam civitatum circumiacentium praecipuum, xylina, medicamenta, potiones fortes, libros, ornamenta venditans. In hac urbe anno 1907 societas tabernaria Neiman Marcus condita est. Anno 1930 iuxta Kilgore, a Dallasio fere 100 chm. distantem, petroleum repertum est, e qua inventione nova industria Dallasii mox crevit.

Die 22 Novembris 1963 Dallasii Ioannes F. Kennedy praeses Civitatum Foederatarum ictu pyrobolico necatus est.

Incolae notabiles[recensere | fontem recensere]

Bibliographia[recensere | fontem recensere]

  • Elizabeth York Enstam, Women and the Creation of Urban Life: Dallas, Texas, 1843-1920. 1998 Textus (situs venalis)
  • Robert B. Fairbanks, For the City as a Whole: Planning, Politics, and the Public Interest in Dallas, Texas, 1900-1965. 1998
  • Harvey J. Graff, The Dallas Myth: The Making and Unmaking of an American City. 2008
  • Patricia Evridge Hill, Dallas: The Making of a Modern City. 1996
  • William L. McDonald, Dallas Rediscovered: A Photographic Chronicle of Urban Expansion, 1870-1925. 1978
  • Michael Phillips, White Metropolis: Race, Ethnicity, and Religion in Dallas, 1841-2001. 2006
  • Robert R. Rafferty, Lone Star Guide to the Dallas/Fort Worth Metroplex. 2a ed. 2003

Nexus externi[recensere | fontem recensere]

Commons-logo.svg Vicimedia Communia plura habent quae ad Dallasium Texiae spectant.