Megapolis et Pomerania Citerior

Megapolis et Pomerania Citerior

Vexillum	Insigne
Indicia fundamentalia
Caput	Suerinum
Area	23 174,17 km² Area 6 omnium terrarum foederalium
Numerus incolarum	1 700 989 (30 Iunii 2006)Incolarum numero 14 omnium terrarum foederalium
Spissitudo incolarum	73 incolae/km² Spissitudine 16 omnium terrarum foederalium
Productus domesticus grossus  - omnis  - Portio respectu productus Germaniae	(aestimatum) Mrd. €  %
Aes alienum per capita	6304 € per incolam (fine anni 2005)
Aes alienum omne	10,3 Mrd. € (fine anni 2005)
ISO 3166-2	DE-MV
Pagina interretialis	www.m-v.de Megapolis et Pomerania Citerior
Res politicae
Praesidens ministrorum	Ervinus Sellering (Socialis Democratica Factio Germaniae)
Praesidens senatus terrae	[[]] ([[]])
Factiones quibus rerum publicarum curatio mandata est	SPD , CDU, (usque ab 7 Novembris 2006)
Legati factionium senatus terrae	SPD: 28, CDU: 18, Factio Sinistra: 14, Foedus 90/Virides: 6, NPD: 5; in totum 71 legati
Electio proxima
- praeterita	4 Septembris 2011
- futura	2016
Consilium foederale
Legati ad Consilium Foederale Germaniae	3
Tabula geographica
Vide etiam: Feriae Germaniae

Megapolis et Pomerania Citerior est res publica foederalis Germaniae.

Historia

Ante terram conditam

Megapolis

Ab anno 1815, Megapolis ex partibus duabus constabat: Magnus Ducatus Megalopolis-Suerinum et Magnus Ducatus Megalopolis-Strelicia. Post casum Imperii Germanici hae terrae res publicae factae sunt. 1 Ianuarii 1934 duae civitates a Nazistis in unam civitatem Megapolin unitae sunt.

Pomerania

Pomerania autem ab anno 1815 provincia Borussiae fuit.

Annis 1945 - 1952

Res publica huius nominis primo anno 1946 condita est, postquam Germania Bello Orbis Terrarum II victa et inter victores divisa est. Partes septentriones Pomeraniae et Megapolis, quae in parte a Unionis Sovieticae fuerunt, in unam terram unitae sunt, cum partes orientales Pomeraniae nunc ad Poloniam pertinent. Adiuncta est pars provinciae Borussiae Hannoverae nomine "Neuhaus", quae cis Albim flumen sita est. Primus praeses ministrorum Gulielmus Höcker (Factio Socialistica Unita Germaniae (SED) factus est. Ab anno 1947 terra "Megapolis" tantum nominabatur. Anno 1949 terra pars Rei publicae Democraticae Germanicae (RDG) facta est, quae ad Germaniam orientalem perteinebat et cito dictatura communista fiebat. Iulio 1951 Curtus Bürger (SED) praeses ministrorum successit, sed brevi tempore mortuus est. Tum Bernhardus Quandt (SED) successor electus est. 23 Iulii 1952 omnes terrae RDG dissolutae sunt et in pagos divisae sunt.

Ab anno 1990

Anno 1989 cives Rei publicae Democraticae Germanicae libertatem et patriam unitam a consilio communista administratorum acerrime flagitaverunt. Itaque 3 Octobris 1990 Germania unita et terrae foederales in Germania Orientali restitutae sunt. Itaque et Megapolis et Pomerania Citerior iterum condita est. Longas post controversias Suerinum, non Rostochium caput terrae fiebat. 27 Octobris 1990 Alfredus Gomolka (CDU) primus praeses ministrorum electus est. In coalitione cum FDP terram rexit. Propter controversias cum sua factione anno 1992 de magistru recedere coactus est. 19 Martii 1992 Bernhardus Seite (CDU) ei successit. 30 Iunii 1993 civitas Neuhaus, quae iam ante Bellum ad eam terram pertinuerat, Saxoniae Inferiori cessa est. Anno 1994, cum FDP suffragium perdidisset neque iam legatos in senatus terram mittere potuisset, coalitionem cum SPD iniit. Anno 1998 Haraldus Ringstorff (Socialis Democratica Factio Germaniae) electionibus vicit et auxilio Factionis Sinistrae novus praeses ministrorum electus est. Post electiones anni 2006 Ringstorff novam coalitionem cum CDU iniit. 6 Octobris 2008 propter aetatem provectam se recessit. Successor eius Ervinus Sellering (SPD) factus est. Qui electione diei 4 Septembris 2011 iterum maximum partem suffragiorum accepit. Factio Socialis Democratica nunc et cum Sinistra et cum CDU de foedere regendi agitat.

Administratio

Megapolis et Pomerania Citerior ab anno 2011 in circulos sex et duas urbes circulo exemptas divisa est. Hi sunt:

Nomen	Insigne	Caput	Regio	Area	Numerus incolarum	Densitudo incolarum	Signa autocinetorum	Situs
Ludwigslust-Parchim		Parchim	Megalopolis	4.750km²	216.759	46	LWL, PCH
Circulus Lacuum Megalopolis		Brandenburgum Novum	Megalopolis	5.468km²	270.685	50	DM, MST, MÜR, NB
Megalopolis Septentrionalis et Occidens		Wismaria	Megalopolis	2.117km²	159.294	75	NWM, HWI
Rostochium (urbs)		Rostochium	Megalopolis	181,4 km²	204.260	1.126	HRO
Circulus Rostochiensis		Gustrovium	Megalopolis	3.421km²	214.889	63	LRO, DBR, GÜ
Suerinum (urbs)		Suerinum	Megalopolis	130,5km²	93.500	730	SN
Circulus Pomerania Citerior-Gryphiswalda		Gryphiswalda	Pomerania Citerior	3.927km²	244.207	62	VG, HGW, OVP, UER
Circulus Pomerania Citerior-Rugia		Stralsunda	Pomerania Citerior	3.181km²	229.340	72	VR, HST, RÜG, NVP)

Urbes in Megapoli et Pomerania citeriori

• Gryphiswalda
• Gustrovium
• Rhodopolis seu Rostochium
• Stralsunda
• Suerinum
• Wismaria

Vide etiam

• Index regionum (Germaniae)

Nexus externi

Vicimedia Communia plura habent quae ad Megapolis et Pomerania Citerior spectant.

• Deutscher Altphilologenverband (Confoederatio philologorum linguarum antiquarum) (Germanice)

Haec stipula ad geographiam spectat. Amplifica, si potes!

Terrae foederales Germaniae