Latinitas bona

Leonillus Jospin

E Vicipaedia
Salire ad: navigationem, quaerere
Leonillus Jospin anno 1983 in Germania

Leonillus, vulgo Lionel Jospin, natus die 12 Iulii 1937 Moldonii in urbe praefecturae Sequanae et Esiae (sed hodie Altorum Sequanae) est politicus Francicus factionis socialisticae qui primus minister a die 2 Iunii 1997 usque ad diem 6 Maii 2002 meruit, praeside Iacobo Chirac.

Filius magistri ludorum qui et socialista fuit et pacifista, Leonillus Jospin Moldonii et Lutetiae educatus est. Alumnus est Instituti Scientiarum Politicarum huius urbis et Scholae Nationalis Administrationis Argentoratensis. Legatus est ad Parlamentum Europaeum annis 1984-1988, sed a Conventum Nationalem Francicum annis 1981-1988 et breviter 1997. Minister eruditionis meruit annis 1988-1992, praeside Francisco Mitterrand, primis ministris Editha Cresson et Michaele Rocard. Bis secretarius principalis fuit Factionis Socialisticae, annis 1981-1988 (praecessore Mitterrand) et 1995-1997 (successore Francisco Hollande). Bis candidatus est ad officium praesidis rei publicae Francicae, annis 1995 et 2002.

Unam legis e paginis de
Francia hodierna
disserentibus

Eugène Delacroix - La liberté guidant le peuple.jpg