Alanus Juppé

E Vicipaedia
Salire ad: navigationem, quaerere
Alanus Juppé (media imagine) a Roberto Gates (secretario civico munitionis Americano) Vasingtoniae anno 2011 recipitur

Alanus Juppé[1] (natus die 15 Augusti 1945 Martiani Landarum) est vir publicus Francicus qui minister quinquies meruit atque primus minister a die 17 Maii 1995 usque ad diem 2 Iunii 1997.

Alumnus est Scholae Normalis Superioris Parisiensis, Instituti Scientiarum Politicarum eiusdem urbis et Scholae Nationalis Administrationis Argentoratensis. Iacobo Chirac annis 1983-1995 magistro civium Parisiensium, Alanus Juppé eo adiunctus est. Annis 1984 - 1986 et mensibus Iunii - Octobris 1989 legatus est ad Parlamentum Europaeum, sed annis 1986, 1988 - 1993, 1997 - 2004 atque ab anno 2007 legatus ad Conventum Nationalem. Ipse annis 1995-2004 et ab anno 2006 usque hodie est magister civium Burdigalensium. Annis 2002-2004 praeses fuit factionis cuius nomen est Unio pro Motu Populari.

A die 31 Martii 1993 ad 11 Maii 1995, primo ministro Eduardo Balladur, rursusque a 27 Februarii 2011 ad usque 16 Maii 2012, primo ministro Francisco Fillon, Juppé administer rerum externarum Franciae fuit. Insuper minister delegatus pro pecuniis annis 1986-1988, minister oecologiae breviter anno 2007, minister munitionis annis 2010-2011 meruit.


Nota[recensere | fontem recensere]

  1. Vulgo pleniter Alain Marie Juppé secundum Who's Who In France (ed. 2006)

Bibliographia[recensere | fontem recensere]

  • Anna Cabana, Juppé : l'orgueil et la vengeance. Lutetiae: Flammarion,‎ 2011. ISBN 9782080689238
  • Stéphane Lhomme, Alain Juppé saute sur Bordeaux. Lutetiae: Syllepse, 2006. ISBN 9782849501214)
  • Céline Edwards-Vuillet, Le joker: Alain Juppé, une biographie. Lutetiae: Le Seuil-Mollat,‎ 2001. ISBN 9782020513524
  • Isabelle Dath, Philippe Harrouard, Alain Juppé: la tentation du pouvoir. Lutetiae: Lattès,‎ 1995. ISBN 9782709615730
  • Pascal Louvrier, Juppé 2012: avec (ou sans) Sarkozy. Monoeci: Éditions du Rocher,‎ 2011. ISBN 9782268071978

Nexus externi[recensere | fontem recensere]

Commons-logo.svg Vicimedia Communia plura habent quae ad Alanus Juppé spectant.
Unam legis e paginis de
Francia hodierna
disserentibus

Eugène Delacroix - La liberté guidant le peuple.jpg