Quantum redactiones paginae "Niger (flumen)" differant
m Ut >10K sit (1K, 10K) |
m use new formula for Vide etiam/Nexus interni section (using bot) |
||
Linea 104: | Linea 104: | ||
</gallery><!-- |
</gallery><!-- |
||
{{NexInt}} |
|||
==Vide etiam== |
|||
*[[Auctoritas Pelvis Nigrae]] |
*[[Auctoritas Pelvis Nigrae]] |
||
*[[Azawagh]]--> |
*[[Azawagh]]--> |
Emendatio ex 18:31, 2 Augusti 2016
Vide etiam paginam discretivam: Niger (discretiva)
Formula:Capsa geographica Niger[1][2] est principale Africae Occidentalis flumen. Circa 4180 chiliometrorum extenditur per pelvem hydrographicam cuius area 2 117 700 chiliometrorum quadratorum est.[3] Fons in Terris Altis Guineae in Guinea meridio-orientali patet, unde flumen crescentem describitur per Malium, Nigrum, secundum fines Benini, et tum per Nigeriam, cum per magnum delta, Delta Niger et Flumina Petrolei appellatum, per Sinum Guineae in Oceanum Atlanticum defluit. Niger longitudine est tertium Africae flumen, solum a Nilo et Congo (etiam Flumen Zaïre appellatum) exsuperatum. Praecipuus tributarius est Flumen Benue.
Etymologia
Niger Jeliba vel Joliba 'magnum flumen' in linguis Mandingianis, Orimiri vel Orimili 'magna aqua' in Igbo, Egerew n-Igerewen 'flumen fluminum' in Tuareg, Isa Ber 'magnum flumen' in Songhay, Kwara in Hausa, et Oya in Yoruba appellatur. Incerta est origo nominis Nigri, primum solum ad medias fluminis regiones adhibiti. Veri simile est nomen Nigrum in lingua Latina et aliis linguis deductum esse ex egerew n-igerewen nomine Tuareg, secundum medias fluminis partes circa Tombutum adhibitum.[4][5] Tombutum, quia in finibus australibus principalis viae commercii trans-Saharani ad Mare Mediterraneum occidentale iacet, fuit fons plurimi Europaeae fluminis regionis doctrinae.
Geographia
Flumen Niger est multis fluminibus clarius: decimam tantum partem sedimenti Nili fert, quia terrae eius fontium in saxis antiquis sitae sunt, quae minimum limum praebent.[6] Sicut Nilus, Niger quotannis inundatur. Aquae Septembre oriri incipiunt, fastigium Novembre habent, ante Maium finiuntur.[6]
Inusitata fluminis proprietas est Delta Niger Interior, quod ubi eius gradiens subito imminuitur fit.[6] Effectus est regio fluminum intertextorum, paludinum, lacuumque tam magna quam Belgium; inundationes tempestivae faciunt ut delta piscatui et agriculturae sit uberrima.[7]
Pinacotheca: tabulae
-
Tabula anni 1808
Notae
- ↑ "Niger" et "Nigir seu Niger, Nigris, et Nigres" in Iohannes Iacobus Hofmannus, Lexicon universale (1698) ~
- ↑ "Niger fl." in tabula Africae Tabula Nova ab Abrahamo Ortelio facta (Antverpiae, 1570).
- ↑ Gleick 2000:33.
- ↑ Nomen Arabicum nahr al-anhur ex Tuareg recte convertitur.
- ↑ Online Etymological Dictionary.
- ↑ 6.0 6.1 6.2 Reader 2001, p. 191
- ↑ Reader 2001, pp. 191–192
Bibliographia
- Boyle, T. C. 1981. Water Music. Mythistoria de Mungo Park, exploratore Scotico.
- Gleick, Peter H. 2000. The World's Water, 2000-2001: The Biennial Report on Freshwater. Island Press. ISBN 1559637927. Google Books.
- Obert, Michael. 2010. Regenzauber: Auf dem Niger ins Innere Afrikas." Ed. 5a. National Geographic. ISBN 389405249X.
- Reader, John. 2001. Africa. Vasingtoniae, D.C.: National Geographic Society. ISBN 0620255064.
- Thomson, J. Oliver. 1948. History of Ancient Geography. Biblo & Tannen Publishers. ISBN 0819601438.
- Welcomme, R. L. 1986. The Niger River System. In The Ecology of River Systems, ed. Bryan Robert Davies et Keith F. Walker, 9–60. Springer. ISBN 9061935407.
Nexus externus
Vicimedia Communia plura habent quae ad Nigrum spectant. |
- "Exploring life and technology along the Niger River," www.nigercurrents.ca
- Maas, Pierre, et Geert Mommersteed. 1990. Fishing in the Pondo, www.saudiaramcoworld.com. Saudi Aramco World
- "Níger," ex Aqua et ius inter civitates: bibliographia selecta, www.ppl.nl (Bibliothèque du Palais de la Paix)
- Nuntii et tabula pelvis hydrographicae fluminis, earthtrends.wri.org
- Tabula pelvis Nigri Fluminis, www.waterandnature.org (Water Resources eAtlas)
Ius inter civitates et Niger Flumen
- "Bibliography on Water Resources and International Law," apud www.ppl.nl (Peace Palace Library)
- Spadi, Fabio. 2005. "The ICJ Judgment in the Benin-Niger Border Dispute: the interplay of titles and ‘effectivités’ under the uti possidetis juris principle." Leiden Journal of International Law 4:777–794.
Photographemata
- Photographemata Nigri Fluminis in Malio, web.mac.com