Roman numeral 10000 CC DD.svg

Phaethontidae

E Vicipaedia
Jump to navigation Jump to search
Red-billed Tropicbird (Phaethon aethereus) (4089464789).jpg

Classis : Aves

   
Palaeontologia
Eocaeno ineunte ad praesens
Species typica
Phaeton lepturus in Insulis Seisellensibus.
Phaethon rubricauda prope Midway atollum.
Phaethon rubricauda prope Genovesa Insularum Galapagensium.

Phaethontidae sunt familia avium maritimarum pelagicarum tropicarum, solae ordinis Phaethontiformium repraesentantes exstantes. Pars Pelecaniformium diu habebantur, sed genetica monstrat eas artius cognatas cum Eurypygiformibus. Sunt tres species in unum genus, Phaethontem, digestae. Nomina scientifica a Graeco phaethon 'sol' derivantur.[1] Earum pennae plerumque sunt albae, pennis caudalibus praelongis et parvis cruribus pedibusque infirmis.

Taxinomia, systematica,evolutio[recensere | fontem recensere]

Phaethontidae more maiorum in ordinem Pelecaniformes digerebantur, qui Pelecanidas, Phalacrocoracidas, Anhingidas, Sulidas, et Fregatidas comprehendebat. Taxinomia Sibley–Ahlquist Pelecaniformes cum aliis gregibus coniunxit ut "Ciconiiformes" permagnus grex essent. Qui autem grex, omnino paraphyleticus recentius monstratus, iterum diffissus est.

Microscopica structurae testarum ovorum enodatio a Constantino Mikhailov anno 1995 edita monstravit testas ovorum Phaethontidarum crassa aliorum Pelecaniformium materie miocroglobulari carere.[2] Jarvis et alii, in "Whole-genome analyses resolve early branches in the tree of life of modern birds," commentario anno 2014 divulgato, Phaethontidas artissime cum Eurypyga helias et Rhynocheto jubato ordinis Eurypygiformium coniungit, cum hi clades Aequornithes, gregem sororium "avium aquaticarum nuclearium" dictum, constituerent, coniecturam "Metaves" relinquentes.[3]

Ordo Phaethontiformes[4][5]

Phaethon aethereus est basalis intra genus. Fissura inter Phaethontem aethereum et alias duas Phaethontidas abhinc annorum sex milliones facta fuisse putatur, fissura inter Phaethontem rubricaudam et Phaethontem lepturum abhinc annorum quattuor milliones facta.[6]

Phaethusavis et Heliadornis sunt genera praehistorica ex fossilibus Phaethontidarum descripta. Typus familiae est Phaethon aethereus.

Species exstantes[recensere | fontem recensere]

Imago Binomen Distributio
RED BILLED TROPIC BIRD.jpg Phaethon aethereus Atlanticus medius, Pacificus orientalis, Caribicum, et Atlanticus orientalis, Sinus Persicus, Sinus Adenensis, Mare Rubrum
Red-tailed Tropicbird - Nosy Ve - Madagascar MG 1985 (15108469068).jpg Phaethon rubricauda Oceani Indicus meridianus, Pacificus occidentalis et medius, a litore Africano ad Indonesia, aquae circa Iaponiam meridianam ad Sinam
White-tailed Tropicbird - Phaeton lepturus 2.jpg Phaethon lepturus Oceani Atlanticus tropicus, Pacificus occidentalis, Indicus

Notae[recensere | fontem recensere]

  1. Jobling, James A. (2010). The Helm Dictionary of Scientific Bird Names. Londinii: Christopher Helm. p. 301. ISBN 978-1-4081-2501-4 .
  2. Mikhailov, Konstantin E. (1995). "Eggshell structure in the shoebill and pelecaniform birds: comparison with hamerkop, herons, ibises and storks". Canadian Journal of Zoology 73 (9): 1754–70 .
  3. Jarvis, Erich D. (2014). "Whole-genome analyses resolve early branches in the tree of life of modern birds". Science 346 (6215): 1320–1331 .
  4. Haaramo, Mikko (2007). "Pelecaniformes – Tropicbirds, pelicans, frigate birds, boobies, anhingas and cormorants" .
  5. "Taxonomic lists- Aves" .
  6. Kennedy, Martyn; Spencer, Hamish G. (2004). "Phylogenies of the frigatebirds (Fregatidae) and tropicbirds (Phaethonidae), two divergent groups of the traditional order Pelecaniformes, inferred from mitochondrial DNA sequences". Molecular Phylogenetics and Evolution 31 (1): 31–38 .

Bibliographia[recensere | fontem recensere]

  • Boland, C. R. J., M. C. Double, et G. B. Baker. 2004. "Assortative mating by tail streamer length in red-tailed tropicbirds Phaethon rubricauda breeding in the Coral Sea." Ibis 146 (4): 687–90. doi:10.1111/j.1474-919x.2004.00310.x.
  • del Hoyo Josep, et al., eds. 1992. Handbook of the Birds of the World. Vol. 1: Ostrich to Ducks. Barcinonae: Lynx Edicions. ISBN 84-87334-10-5.
  • Fleet, Robert R. 1974. The red-tailed tropicbird on Kure Atoll. Vasingtoniae: American Ornithologists' Union.
  • Nelson, Bryan.2005. Pelicans, Cormorants and their relatives. Oxoniae: Oxford University Press. ISBN 0-19-857727-3.
  • Spear, Larry B., et David G. Ainley. 2005. "At-sea behaviour and habitat use by tropicbirds in the eastern Pacific." Ibis 147 (2): 391–407. doi:10.1111/j.1474-919x.2005.00418.x. Editio interretialis.
  • van Tuinen, Marcel, David Waterhouse, et Gareth J. Dyke. 2004. "Avian molecular systematics on the rebound: a fresh look at modern shorebird phylogenetic relationships." Journal of Avian Biology 35 (3): 191–94. doi:10.1111/j.0908-8857.2004.03362.x.

Nexus externi[recensere | fontem recensere]

Commons-logo.svg Vicimedia Communia plura habent quae ad Phaethontem spectant.