Amazones

Vide etiam paginam discretivam: Amazones (discretiva)

Amazon vulnerata - Musea Capitolina.

Amazon se ad pugnandum parat, a Petro Hébert anno 1860 sculpta.

Amazones (Graece Ἀμαζόνες) in mythologia Graeca sunt populus mulierum bellatricium.

Definitio a Forcellini Lexico Totius Latinitatis excerpta

Aegidius Forcellini sic Amazones describit: " fuere feminae bellicosissimae, quae Sarmatiam ad Tanaim fluvium primum incoluerunt, deinde in Cappadocia ad Thermodontem consederunt. Earum arma erant arcus cum sagittis, securis, hasta, et pelta lunata. Dictae sunt Amazones, quasi sine mamma, ab α (a) priv. et μαζός (mazos), mamma. Mos enim fuit Amazonibus, interfectis maribus, quos genuissent, servare feminas, earumque infantium mammas dextras inurere, ne impedimento essent ad pugnam conserendam, et ne sagittarum jactus impediretur. At in omnibus, quae adhuc exstant, antiquis anaglyphis videre est passim Amazones utraque mamma praeditas, quia fortasse sculptores, quod visu ingratum foedumque foret, repraesentare nolurint. (...) Origo, regnum, et res gestae Amazonum a Iustino disertissime descripta sunt. Curtius etiam ubi de Thalestri ultima earum regina verba facit, Amazonum cultus et mores breviter persequitur".

Nomina Amazonum

Inter Amazones enumerantur:

• Antiope
• Hippolyta
• Thalestria seu Thalestris, regina Amazonum (sicut a scriptoribus quibusdam asseveratur) tempore Alexandri Macedonis
• Penthesilea, regina Amazonum

Artes

Pugna Amazonum Bello Troiano multis a pictoribus demonstrata est, inter alios ab Anselmo Feuerbach, qui bis (1869 et 1873) "Amazonomachiam" pinxit, et a Petro Paulo Rubens, qui anno 1615 picturam ominis eiusdem fecit.

Fontes

• Plutarchus, "Theseus" in Vitis Parallelis cap. 26-27
• Strabo, Geographica XI.5.1-4.

Nexus externi

Vicimedia Communia plura habent quae ad Amazones spectant (Amazons, Amazons of Greek mythology).

• Imagines Amazonum in Musaeo Iconographico Warburgiano

Haec stipula ad mythologiam spectat. Amplifica, si potes!