Venceslaus III (rex Bohemiae)

E Vicipaedia
Salire ad: navigationem, quaerere
Venceslaus III ex Chronico Aulae Regiae cum tribus coronis (regnorum Hungariae, Bohemiae et Poloniae)

Venceslaus III (natus Pragae die 6 Octobris 1289 - necatus Olomucii die 4 Augusti 1306) fuit rex Hungariae inter annos 1301 et 1305, mortuo patre suo Venceslao II anno 1305 Bohemiae et Poloniae rex factus est.

Vita[recensere | fontem recensere]

Pater Venceslai III rex Bohemiae et Poloniae Venceslaus II erat, mater eius Guta, filia regis Romanorum Rudolphi I.

Anno 1298 sponsa eius Elisabetha, filia unica Hungariae regis Andreae III, facta est, sed Venceslaus eam numquam in matrimonium duxit. Rex Andreas mortuus est anno 1301 sine herede. Vencealaus II studuit acquirere coronam Hungariae pro filio suo. Ergo 27 Augusti 1301 coronatus est Venceslaus III Albae Regali per Colossensem archiepiscopum in regem Hungariae.[1] Anno 1304 reversus est Venceslaus III cum corona Hungariae in Bohemiam, quia nobiles Hungariae Venceslaum fovere desistiteunt et alium regem voluerunt habere.

Die 21 Iunii 1305 mortuo patre suo factus est rex Bohemiae et Poloniae. Eodem anno mense Octobri contraxit Venceslaus matrimonium cum Viola, filia ducis de Tessino. Habuit cum ea nullos liberos. Hoc tempore tradidit coronam Hungariae Ottoni III de Bavaria. Aestate anni 1306 exercitum duxit in Poloniam. Die 4 Augusti Olomucii in Moravia est interfectus. Sepultus est in ecclesia cathedrali sancti Venceslai Olomucensi. Anno 1326 Elisabetha, regina Bohemiae, uxor regis Ioannis et soror defuncti regis Venceslai III, transtulit corpus fratris sui in abbatiam Aulam Regiam.

Notae[recensere | fontem recensere]

  1. "Eodem autem anno in die Rufi martyris per Colossensem archiepiscopum in civitate Alba Regali regum Ungarie sacro diademate cum preclara solempnitate festive coronatus est, ubi archiepiscopi, comites ac plurimi nobiles affuerunt et peracto illius festivitatis gaudio ipsum regem novum in Budam honorifice deduxerunt. Sic igitur heres Bohemie factus est rex Ungarie." Petri Zittaviensis Cronica Aule Regie

Nexus externi[recensere | fontem recensere]

Commons-logo.svg Vicimedia Communia plura habent quae ad regem Venceslaum III spectant.