Bohemia

E Vicipaedia

Bohemia (Bohemice: Čechy; Theodisce: Böhmen; Anglice: Bohemia) est regio Rei publicae Bohemicae. Caput est Praga.

Tabula geographica antiqua Theodisca Bohemiae.

Temporibus antiquis, Bohemia culta est ab incolis Germanicis ac Slavicis, et a Romanis appellata Boiohaemum est. Primum Slavi dabant regioni duces et postea reges, qui regnum creaverunt (Magna Moravia); deinde potestas Germanorum crevit atque imperatores Sancti Imperii Romani lineae Habsburgensis electi sunt reges Bohemiae.

Qui non raro manu severa regnabant Bohemiam; acriter certabant contra fautores Confessionis Evangelicae, et initio Belli tricennalis, Ferdinandus II Evangelicis pugna apud Album Montem facta devictis effecit, ut paene omnes Evangelici possessionibus terrisque privati e Bohemia eicerentur.

Imperatores Austriae Habsburgenses regebant terram usque ad annum 1918, finem Belli Omni in Orbe Terrarum Primi; tum Slavi condiderunt primam rem publicam Bohemiae una cum regione Maeherensi, appellata Slovacia.

Bello Universali Secundo, Germani iterum erant domini regionis et multas iniurias fecerunt; ex anno 1945, res publica Slavica sub imperio communistarum exstitit, denuo Bohemoslovacia nomine. Pacali revolutione anni 1989 facta, res publica democratica Bohemiae condita est; nomen terrae Slavicae nunc est Res publica Bohemica, consors Unionis Europaeae.