Lac

Poculum lactis.

Ientaculum Caledonianum (A Highland Breakfast) ab Edwino Landseer anno 1834 pictum (Museum Victoriae et Alberti Londinii).

Lac (-tis, n.) est umor, quem mammalia ab uberibus suis excernunt. Lac est ante omnia ad fetus infantesve alendos, quoad alia edere possint. Hunc cibum tantum edunt usque ad demammationem.

Mammiferorum lac domesticorum bibitur plerisque nationibus: praesertim bovinum, sed etiam caprinum, ovinum, porcinum, dromedarium, equinum, etc.. Lac quoque alitione animalium adhibetur.

Lac vaccinum bene notum est et parvulis saepe loco lactis matris datur. Hodie vaccinum est lac saepissime ab hominibus potatum, sed Romanis placebat potius pecudum. Nomadibus regionis Sarmatiae (e.g. Scythis, Sarmatis, Mongalis) equinum.

Lac si aliquot dies conservatum est, naturam suam fluvidam omittens concrescit et in lac concretum sive coagulatum mutatur.

Multi cibi ex lacte parantur, sicut butyrum, caseus, oxygala et iogurtum.

Per iocum vel proverbium res rara lac gallinaceum esse dicitur.

Vide etiam

• Galaxias
• Via Lactea

Vicimedia Communia plura habent quae ad lac spectant.