Camelus

E Vicipaedia

Classis : Mammalia 
Ordo : Artiodactyla 
Familia : Camelidae 
Genus : Camelus 
Linnaeus, 1758
   
Subdivisiones: Species
Camelus dromedarius: cameli Vescerae in urbe Algeriae anno c. 1880 ab Augusto Maure lucis ope picti

Camelus (nomen a Linnaeo anno 1758 statutum) est genus mammalium quorum duae species hodie vivae agnoscuntur, ambae hominibus utiles: onera enim necnon homines ipsos transportare possunt, dies aliquot per regiones aridis et desertis sine necessitate bibendi euntes. Camelus bactrianus e media Asia oritur, C. dromedarius ex Arabia et Africa Septentrionali. Hi singulas habent in dorso gibbas, illi binas. Cum vocem suam edunt cameli blatterare dicuntur[1]

Nomen Graecum et mox Latinum "κάμηλος, camēlus" e lingua Semitica quadam mutuatum est (cf. Arabice جمل, Hebraice גמל gamal). Hoc nomen a scriptoribus classicis ambobus "generibus" attribuitur quae Aristoteles Graece,[2] Plinius maior Latine distinxit.[3] Linnaeus igitur, qui hoc genus anno 1658 definivit, idem nomen selegit duasque species omnibus cognitas enumeravit.

Nexus interni

Notae[recensere | fontem recensere]

  1. Paulus Festus 30.27.
  2. Aristoteles, Historia animalium 499a13
  3. "... duo genera, Bactriae et Arabiae; differunt quod illae bina habent tubera in dorso, hae singula": Plinius, Naturalis historia 8.67

Nexus externi[recensere | fontem recensere]

Situs scientifici:  • ITIS • NCBI • Biodiversity • Encyclopedia of Life • Fossilworks
Vide "Camelum" apud Vicispecies.
Vicimedia Communia plura habent quae ad Camelum spectant.

Haec stipula ad mammale spectat. Amplifica, si potes!