Martinus Mutschmann

E Vicipaedia
Martinus Mutschmann (in medio) cum Adolpho Hitler, Lipsiae 1934

Martinus (Theod. Martin) Mutschmann (natus 9 Martii 1879 oppido Hirschberg (Thuringia), mortuus 14 Februarii 1947 Moscoviae) vir publicus Saxoniae et sodalis NSDAP fuit.

Iuventus et munus[recensere | fontem recensere]

Post scholam finitam Mutschmann annis 1893 - 1896 tirocinium mercatoris fecit. Deinde diversis fabricis vestium laboravit, i.a. et Plaviae Variscorum. Annis 1901 - 1903 militavit et 1 Octobris 1907 ipse fabricam vestium condidit. Bello Orbis Terrarum I miles conscriptus ad annum 1916 certavit, cum graviter sauciatus est. Bello finito Mutschmann iterum fabricam regebat, ad usque annum 1931, cum aere dirutus esset.

Cursus honorum[recensere | fontem recensere]

Mutschmann anno 1922 ad factionem NSDAP accessit, qui autem anno 1923 interdicta est. Postquam factio anno 1925 iterum concessa est, Mutschmann, qui Nazistis etiam pecunia favebat, dux regionis (Gauleiter) Saxoniae factus est. Anno 1930 primo legatus Dietae Imperii Germanici electus est et ad annum 1945 mansit. Mense Aprili anni 1933, postquam Nazistae rerum potiti sunt, Mutschmann vicarius Imperii (Reichsstatthalter) Saxoniae et 1 Martii 1935 praeses ministrorum nominatus est et ad annum 1945 mansit.

Captivitas et mors[recensere | fontem recensere]

Bello Orbis Terrarum II finito Mutschmann ab inimicis Nazistarum in fuga captus et militibus Unionis Sovieticae traditus est. Deinde Moscoviam ductus, ad mortem damnatus et anno 1947 supplicio affectus est.

Nexus externi[recensere | fontem recensere]

Bibliographia[recensere | fontem recensere]