Rudolphus Heinze

E Vicipaedia
Salire ad: navigationem, quaerere

Carolus Rudolphus (Theod. Karl Rudolf) Heinze (natus 22 Iulii 1865 Oldenburgi, mortuus 26 Maii 1928 Dresdae) vir publicus Germaniae et sodalis Factionis Theodisca Popularis (DVP) fuit.

Iuventus et munus[recensere | fontem recensere]

Pater eius professor philosophiae Oldenburgi erat, ipse Lipsiae maturitatem adeptus est et deinde annis 1883 - 1886 Tubingae, Heidelbergae, Lipsiae Berolinique iurisprudentiae studebat et doctor promotus est. Anno 1893 assessor et iudex adiutor Lipsiae factus est, anno 1896 iudex Dresdae. Proximis annis ad usque iudicium imperii Lipsiae promotus est. Bello Orbis Terrarum I centurio in Polonia occupata cursum publicum rexit. Anno 1915

Cursus honorum[recensere | fontem recensere]

Heinze, qui ante Bellum Orbis Terrarum I sodalis factionis nationalis liberalis fuit, ab anno 1899 decurio, anno 1903 consiliarius urbis Dresdae fuit, anno 1907 legatus Dietae Imperii Germanici electus est. Anno 1915/1916 legatus senatus terrae Saxoniae erat, deinde secretarius statalis in administerio iustitiae Imperii Ottomanici Constantinopolis nominatus est. 13 Iunii 1918 administer iustitiae, 26 Octobris ultimus praeses ministrorum Regni Saxoniae factus est. Sed iam 13 Novembris casus monarchiae eius administerio finem fecit. Heinze anno 1919 legatus Consilium Formae Civitatis Constituendae electus est et anno 1920 iterum legatus Dietae Imperii, quem honorem ad usque mortem tulit. Et anno 1920 cancellarius etiam imperii propositus neque nominatus est. In consilio ministrorum Constantinus Fehrenbach anno 1920/1921 Heinze cancellarius vicarius et Administer Imperii Iustitiae, in consilio ministrorum Cuno anno 1922/1923 iterum Administer Iustitiae fuit. Cum anno 1923 consilium ministrorum Saxoniae socialisticum res novas studens a magistratibus Germaniae dispositum esset, Heinze brevi tempore (29 Octobris - 31 Octobris) iterum pro tempore praeses ministrorum Saxoniae nominatus est.

Nexus externi[recensere | fontem recensere]