Marcus Claudius Marcellus (consul 166 a.C.n.)
Marcus Claudius Marcellus (natus circa annum 208 a.C.n., mortuus anno 148 a.C.n.) fuit vir publicus ac militaris Romanus.
Gens
[recensere | fontem recensere]Pater eius Marcus Claudius M.f. Marcellus, consul anni 196 a.C.n. erat. Avus erat ille Marcus Claudius Marcellus qui cum Hannibale bellum gessit atque Syracusas expugnavit. Filios Marcum et Gaium habuit.
Cursus honorum
[recensere | fontem recensere]Marcellus anno 177 a.C.n. pontifex nominatus est[1] et anno 171 a.C.n. tribunus plebis creatus est. Anno 169 praetor creatus est atque provincias Hispaniam Citeriorem atque Ulteriorem administrabat. Et anno sequente ibi propraetor mansit et urbe magna direpta aurum argentumque ad decies sestertii in aerarium deposuit[2]. Anno 166 un a cum Gaio Sulpicio Gallo primo consul creatus est. Tum Gallos in Alpibus montibus vicit et de eis triumphavit. Anno 155 iterum consul erat, tum cum Publio Cornelio Scipione Nasica Corculo. Eo anno Ligures superavit et iterum triumphus ei tributus est. Anno 152 a.C.n. consul III cum Lucio Valerio Flacco fuit. In Hispania anno 151 a.C.n. de pace agebat, sed foedus a senatu non probatus est[3]. Anno 148 legatus in Numidiam missus naufragio mortuus est.
Bibliographia
[recensere | fontem recensere]- Carolus-Ludovicus Elvers, "[I 13] C. Marcellus, M." in Der Neue Pauly vol. 3 (Stutgardiae: Metzler, 1997. ISBN 3-476-01473-8) col. 10.
- Claudius 225 in Paulys Real-Enzyklopädie der classischen Altertumswissenschaft
Fontes
[recensere | fontem recensere]- Titus Livius, Ab Urbe condita, XLI 13.4; XLIII 11, 15; XLV 44; XLVI (epitome); XLVIII (epitome); L (epitome).
- Strabo, Geographia III, 141.
- Polybius Historiae XXXV 2-3.
- Appianus Alexandrinus, Hispanica 48-50.
- Marcus Tullius Cicero, In L. Calpurnium Pisonem 19.
Notae
[recensere | fontem recensere]- ↑ Titus Livius 41.13.4.
- ↑ Titus Livius 43.11.7 et 15.3-5, 45.4.1.
- ↑ Polybius Historiae XXXV 2-3. Cf Strabo III.4.13.
| Antecessores: Quintus Aelius Paetus et Marcus Iunius Pennus |
Consul 166 a.C.n. cum Gaio Sulpicio Gallo |
Successores: Titus Manlius Torquatus et Gnaeus Octavius |
| Antecessores: Lucius Cornelius Lentulus Lupus et Gaius Marcius Figulus II |
Consul 155 a.C.n. cum Publio Cornelio Scipione Nasica Corculo II |
Successores: L. Postumius Albinus et Quintus Opimius |
| Antecessores: Titus Annius Luscus et Quintus Fulvius Nobilior |
Consul 152 a.C.n. cum Lucio Valerio Flacco |
Successores: Aulus Postumius Albinus et Lucius Licinius Lucullus |