Roman numeral 10000 CC DD.svg
Mille Paginae.png

Tramen

E Vicipaedia
(Redirectum de Hamaxostichus)
Jump to navigation Jump to search
Tramen, quod ex Croatia venit, viaeductus in Ferrivia Semmering transit.

Tramen,[1][2][3] vel hamaxostichus,[2][3] est in rebus ferriviariis genus vehiculorum inter se copulatorum quae machina vectoria in orbitis trahuntur.

Genera[recensere | fontem recensere]

Varia sunt traminum genera:

  • Tramen directum
  • Tramen vectorium - tramen quo homines vectantur.
    • Tramen supercelerum - tramen vectorium summae pernicitatis.
  • Tramen onerarium - tramen quod merces transportandas vectat.
  • Tramen vaporarium - vetus traminis genus, non iam in usu, quod motro vaporario trahitur.

De voce[recensere | fontem recensere]

Tramen onerarium cum nonnullis carris.

In Latinitate hodierna non solum voce hamaxostichi, sed etiam voce traminis (tramen, -inis, n.; quod a verbo temporali traho, -ere, traxi, tractum derivatur) utimur. Quae vox apud eos, qui hoc saeculo Latine loquuntur scribuntque, crebrius hamaxosticho usurpari videtur, in mediis quidem Europae partibus. Non desunt, qui hanc vocem, quippe quae eodem modo atque e.g. vox Theodisca "Zug" vel Bohemica "vlak" sit creata, eandemque etymologiam atque vox Francogallica Anglicaque train habeat, aptiorem censeant vocabulo hamaxostichi elegantioremque.

Exempli causa hoc epigramma Ioannis Lee (John Lee, natus anno 1933 apud Brisbane Australiae) (vide Leonis Tolstoi librum de Anna Karenina) produci potest:

Tramine discedens matrona acquirit amantem.
Heu! Repetet tramen nec comitabit amans.

Nexus Interni[recensere | fontem recensere]

Notae[recensere | fontem recensere]

  1. John C. Traupman, The New College Latin and English Dictionary, ed. 3a (Novi Eboraci: Bantam Books), 684: tramen (ferriviarium).
  2. 2.0 2.1 M. P. Poliachev, Vocabularium Russico-Latinum Magnum, s.v. "поезд".
  3. 3.0 3.1 Ebbe Vilborg, Norstedts svensk-latinska ordbok, editio secunda, 2009.

Nexus externi[recensere | fontem recensere]

Commons-logo.svg Vicimedia Communia plura habent quae ad tramina spectant (trains, Trains).


Unam legis e paginis de
disserentibus

1885Benz.jpg