Lycanthropus

E Vicipaedia
Salire ad: navigationem, quaerere
Representatio Germanica lycanthropi.

Lycanthropus -i, m. (Graece λύκος, lupus; ἄνθρωπος, homo), est figura in mythologiis et religionibus per totum mundum notissima. Lycanthropus nominatur, quia proprietatibus corporis et lupi et viri apparere solet. Iam in veterrimis fabulis de talibus monstris narratur, e. g. in carmine de Gilgamo, in Ovidii Metamorphosibus, in Petronii Satyricis, in Apulei Metamorphosibus.

Lycanthropi saepe lunae afflictae submissi esse dicuntur. Itaque etsi plerumque hominum figuram habere videntur, plenilunio vero vel lupi vel monstra utriusque speciei, sc. simul et hominis et lupi, similia prodeunt. Solis instrumentis argenteis vulnerari dicuntur, praecipue telis argenteis. Lycanthropi flore generis aconiti argui possunt, nam umbra plantae in mento lycanthropi luteola est.

Lycanthropia est morbus lycanthroporum. In quem qui inciderunt, luporum similes vel ululant vel pedibus manibusque quadrupedatim currunt vel alia talis morbi edunt signa .

Vide etiam[recensere | fontem recensere]

Roman numeral 10000 CC DD.svg