Georgius Gänswein
Georgius Gänswein (natus in vico Riedern am Wald circuli Waldshut Germaniae die 30 Iulii 1956) est Ecclesiae Catholicae Romanae archiepiscopus et Pontificalis Domus praefectus. Una cum Alfredo Xuereb fuit Papae emeriti Benedicti XVI scriba a secretis. Recentissime papae Francisci primis diebus pontificatús eius auxilium dat.
Theologicis studiis in Collegio Borromaeo Friburgi Brisgoviae, in universitate huius urbis, et breviter Romae apud Gregorianam perfunctis,[1] Gänswein anno 1984 presbyter Friburgi ordinatus est. Postea iuri canonico apud Universitatem Monacensem studuit.
Anno 1995 Romam petivit Congregationis de Cultu Divino et Disciplina Sacramentorum operarius. Suadente Iosepho cardinale Ratzinger praefectu Congregationis pro Doctrina Fidei, anno insequenti ab Ioanne Paulo II Gänswein socium eiusdem congregationis factus est et eodem fere anno professor iuris canonici in Pontificiam Universitatem Sanctae Crucis. Ad gradum honorarium Capellani pontificalis anno 2000 a Papa Ioanne Paulo II vocatus est. Anno 2003, nominatus est scriba a secretis cardinalis Ratzinger, et 2006 ab eodem (qui papa Benedictus XVI creatus erat) praelatus honorarius pontificalis promotus est. Die 7 Decembris 2012 papa Benedictus XVI eum Pontificalis Domus praefectum (successorem cardinali Iacobo Michaële Harvey) instauravit, eodemque tempore archiepiscopum titularem Urbis Salviae (successorem Iosepho Bertello).
Die 14 Novembris 2006, Gänswein canales publicos privatosque televisificos Italicos, quae eum et Papam Benedictum XVI imitando effinxerant, reprehendit.
Index |
Opera [recensere]
- 1996 : Kirchengliedschaft: vom Zweiten Vatikanischen Konzil zum Codex iuris canonici; die Rezeption der konziliaren Aussagen über die Kirchenzugehörigkeit in das nachkonziliare Gesetzbuch der lateinischen Kirche. St. Ottilien: EOS-Verlag.
Notae [recensere]
- ↑ Sic de:wiki. Secundum alii Seminarium Internationale Sancti Pii X iuxta Esquiniam frequentavit: ita Claire Chartier, "Vatican, les clefs d'une crise" in L'Express (12 Feb. 2009)
Bibliographia [recensere]
- Giacomo Galeazzi, "Pope Francis takes over Vatican's top secret dossiers: Fr. Georg has the task of guiding Bergoglio in his journey through the Vatican's secrets" in La Stampa: Vatican Insider (17 Mar. 2013)
- John Hooper, "Georg Gänswein: the man behind the pope" in The Guardian (16 Sept. 2010)
- Paul Kreiner, "Porträt Georg Gänswein Privatsekretär des Papstes: "Ich bin wie eine Fensterscheibe"" et Claudia Keller, "Porträt Georg Gänswein Diener bad zweier Päpste: "Ich bin durchsichtig wie Glas"" in Der Tagesspiegel (2012-2013)
- Robert Mickens, "Power behind the papal throne: Profile of Archbishop-elect Georg Gänswein" in The Tablet (15 Dec. 2012)
- Malcolm Moore, "Gorgeous Georg's priestly chic inspires a new Versace show" in The Daily Telegraph (16 Jan. 2007)
- Colm Tóibín, "Among the flutterers" in London Review of Books vol. 32 no. 16 (19 Aug. 2010) pp. 3-9
- Andrea Tornielli, "Pope appoints Gäenswein Prefect of Pontifical Household and archbishop" in La Stampa: Vatican Insider (7 Dec. 2012)
Nexus externi [recensere]
- "Archbishop Georg Gänswein" e The Hierarchy of the Catholic Church (situs a Davide M. Cheney elaboratus) (Anglice)
- Colloquium percontativum apud Radio Vaticana (Theodisce)
