Biscum

Insigne Bisci

Biscum (Russice Бийск, tr. Bijsk) est urbs in Russia et secunda maxima urbs territorii Altaici, circiter 220 milia incolarum habet.

Situs urbis

Biscum in australi parte Siberiae occidentalis, iuxta flumen Biam (ex qua nomen urbis genuit) prope confluentem huius fluminis et fluvii Catunae iacet.

Historia urbis

Aedes cursus publici (a sinistra) et theatrum dramaticum (a dextra) Bisci in urbe

Anno 1709, secundum imperatum Petri I fortalicium inter flumina Bia et Catuna loco confluentis fluviorum illorum condita, e nominibus fluminum "castrum Bicatunense" appellatur. Castellum illud anno 1710 destructa est a Dzungaris, gente nomadica, sed anno 1718 restaurata loco novo, circiter 20 chiliometra ab loco prisco, in dextra sinistra Biae. Propter mutationem dispositionis castrum Bicatunense ab anno 1732, "castrum Biscense" nominatur, quod anno 1782 factum est urbs Biscum.

Anno 1804, urbi est datum insigne: pictura urbis "in area azurea in monte aureo puteus montanus."

Saeculo undevicensimo, castellum Bisci demolitum est (anno 1848), urbs illa facta est sedes commercii industriaeque.

Tempore Belli Magni Patrii cum evacuatione in Biscum nonnullarum sedium industrialium ex Europaea parte Unionis Sovieticae industria urbis illius incrementum magnum habuit, et imprimis pro defensione nationis favebat operi.

Biscum hodie

Nunc Biscum sedes industriae et commercii manet. Portum, stationem ferriviariam, et aeroportum habet. Urbs etiam est sedes scientiae culturaeque: urbi sunt academia educationis, institutum technicum, scholae multae, bibliothecae nonnullae, theatra, et museum. Anno 2005 Biscum factum est naukograd (наукоград, i.e. 'scientiae urbs') Foederationis Russicae.

Nexus externus

Vicimedia Communia plura habent quae ad Biscum spectant.