Roman numeral 10000 CC DD.svg
Mille Paginae.png
Latinitas bona

Sydneium

E Vicipaedia
Salire ad: navigationem, quaerere
Wikidata-logo.svg Sydneium
Res apud Vicidata repertae:
Sydneium: insigne
Civitas: Australia
Numerus incolarum: 4 840 600
Zona horaria: UTC+10
Situs interretialis
Sydneium: situs

Sydneium,[1][2] Anglice Sydney, est caput provinciae Novae Cambriae Australis. Incolis anno 2015 fere 4 921 000 haec est urbs Australiae et omnis Oceaniae maxima, urbe Australiana Melburnia locum secundum vindicante. Sydneium anno 1788 ab Arthuro Phillip conditum ad litus Maris Tasmaniani et sub montibus Caeruleis crevit, illo sinu circumdatum qui "portus Sydneyensis" communiter appellatur (verbis conditoris ipsius "portuum totius mundi sine discrimine pulcherrimus" descriptus).[3]

Historia[recensere | fontem recensere]

Sydneium portusque Sydneyensis e caelo visi

Aborigines Australiani ante triginta milia annorum in hoc loco habitabant.[4] Ibi autem anno 1788 ineunte Arthurus Phillip dux navium locum quaerebat ad castra carceralia ponenda, "sinu botanico" reiecto quia ibi neque portum securum neque aquae potabilis fontem reppererat. Ad litora igitur portús vel aestuarii magni ostium idoneum selegit et appellatione "Sydney Cove" (e titulo ministri rerum internarum Britannici Thomae Townshend, vicecomitis Sydney) dignavit. Vexillum Britannicum ibi posuit, colonia Novae Cambriae Australis ita reclamata, die 26 Ianuarii 1788; qui dies quotannis sub nuncupatione diei Australiae (Australia Day) celebratur.

Suburbia prima ab anno 1830 ad 1850 facta sunt.

Anno 2000, Ludi Olympici Sydneii in Stadio Australiae peracta sunt.

Clima[recensere | fontem recensere]

Urbi Sydneio clima "subtropicum humidum" per enumerationem Köppen–Geiger attribuitur, temperatura aëris minima normalia inter 8.1° mense Iulio et 18.7° mense Ianuario, maxima normalia inter 16.3° et 25.9°, sed minima extrema usque hodie nota (die 22 Iunii 1932) 2.1°, maxima extrema (die 18 Ianuarii 2013) 45.8°; pluviis mense Septembri ad 68.3 mm tantum, mense Iunio 131.9 mm, per annum totum non minus quam 1 212.6 mm elevatis, pluvio diurnali omnino maximo 327.6 mm die 6 Augusti 1986; diebus pluviosis per annum totum fere 144 accidentibus; humiditate relativa inter mensuras 49% mense Augusto et 64% mense Februario; horis solis fulgentis mense Iunio 177, sed fere 240 per mensem ab Augusto ad Ianuarium, per annum totum 2 635 repertis; vento violentissimo 150 chm per horam die 19 Ianuarii 1958 relato.[5]

Incolae notabiles[recensere | fontem recensere]

Nati
Mortui

Notae[recensere | fontem recensere]

  1. Carolus Egger, Diurnarius Latinus. Epitome actorum diurnorum in lingua Latina. (1980. ISBN 88-209-4366-2) p. 9
  2. Vb. adiect. "Sydneyensis", cf. "Archidioecesis Sydneyensis" e The Hierarchy of the Catholic Church (situs a Davide M. Cheney elaboratus) (Anglice). "Sidneiensis" in nomine universitatis, vide hic.
  3. "being with out exception the finest harbour in the world." Arthur Phillip, epistula ad marchionem de Lansdowne, 3 Iulii 1788 (Bibliotheca Civica Novae Cambriae Australis ms. MLMSS 7241 textus
  4. Macey (2007)
  5. Res climatologicae e Vicipaedia Anglica extractae, fontibus fidei dignis ibi citatis inter quos "Sydney (Observatory Hill)" apud tabularium meteorologicum regiminis Australiani

Bibliographia[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Sydneium spectant.
Australiae et Oceaniae urbes milies milium incolarum