Sturnus vulgaris

E Vicipaedia
Salire ad: navigationem, quaerere
Sturnus vulgaris
Sturnus vulgaris Tolosae
Conservationis status
Taxinomia
Regnum: Animalia
Phylum: Chordata
Classis: Aves
Ordo: Passeriformes
Familia: Sturnidae
Genus: Sturnus
Species: S. vulgaris
Indigena:       Peregrinus aestivus       Incola       Peregrinus hiemalisIntroductus:       Peregrinus aestivus       Incola

Sturnus vulgaris est species avium passeriformium familiae Sturnidarum. Hic sturnus est circiter 20 centimetra longus, pennis nigris, aliquando punctis albis, cruribus roseis, rostro hieme nigro et aestate flavo. Iuvenes sunt fusciores adultis. Est avis garrula, praesertim cum congregatur, et clamorem non musicum sed varium facit. Facultas eius imitandi apud Plinium, auctores Mabinogii, ac Shakesperium notata est.

Huic speciei sunt circiter duodecim subspecies, quae in habitationibus apertis per Europam temperatam et Asiam occidentalem ova gignunt. Sturnus vulgaris in Australiam, Novam Zelandiam, Canadam, Civitates Foederatas, Mexicum, Peruviam, Argentinam, Falklandiam, Brasiliam, Chiliam, Uraquariam, Africam Australem, ac Viti introductus est.[2]

Apud Plinium[recensere | fontem recensere]

Gaius Plinius Secundus haec de sturnis scripsit:

abeunt et merulae turdique et sturni simili modo in vicina. sed hi plumam non amittunt nec occultantur, visi saepe ibi quo hibernum pabulum petunt [...] sturnorum generi proprium catervatim volare et quodam pilae orbe circumagi, omnibus in medium agmen tendentibus.[3]

[...]

cum haec proderem, habebant et Caesares iuvenes sturnum, item luscinias Graeco ac Latino sermone dociles, praeterea meditantes assidue et in diem nova loquentes, longiore etiam contextu. docentur secreto et ubi nulla alia vox misceatur, adsidente qui crebro dicat ea, quae condita velit, ac cibis blandiente.[4]

Notae[recensere | fontem recensere]

Bibliographia[recensere | fontem recensere]

Nexus externi[recensere | fontem recensere]

Wikidata-logo.svg Situs scientifici:  • ITIS • NCBI • Biodiversity • Encyclopedia of Life • IUCN Red List • Marine Species • INPN France
Commons-logo.svg Vicimedia Communia plura habent quae ad Sturnum vulgarem spectant.
Wikispecies-logo.svg Vide Sturnum vulgarem apud Vicispecies.