Romanus Herzog

E Vicipaedia
Salire ad: navigationem, quaerere
Romanus Herzog 2006

Romanus Herzog (Theodisce Roman Herzog, natus die 5 Aprilis 1934 Landishutae; mortuus die 10 Ianuarii 2017 in Jagsthausen) praeses Germaniae annis 1994 usque ad 1999 fuit.

Antequam praeses erat[recensere | fontem recensere]

Herzog iuris consultus et professor iurisprudentiae Berolini ab anno 1966 et ab anno 1969 Spirae fuit. Anno 1970 sodalis partis CDU factus anno 1973 et minister Rhenaniae-Palatinati erat. Ab anno 1978 et Badeniae-Virtembergiae minister fuit. Anno 1983 iudex summi iudicii (Bundesverfassungsgericht) et postea (anno 1987) praeses huius iudicii factus est.

Praeses Reipublicae Foederatae[recensere | fontem recensere]

Die 23 Maii anni 1994 Herzog concilio foederationis electus est et summum officium Germaniae 1 Iulii eiusdem anni successor Ricardi de Weizsaecker iniit. Anno 1996 Herzog 27 Ianuarii diem memoriae caedium Iudaeorum fecit, quo die anno 1945 Castra ad captivos concludendos posita Auschwitz liberata sunt. 27 Aprilis 1997 Berolini orationem praeclaram "de impetu" (Theodisce Ruck-Rede) habuit, quo homines Germanos vehementer invitavit, ut in saeculum 21 pergerent. Alia oratione 5 Novembris eiusdem annis de momento humanitatis disseruit. Cum CDU et FDP anno 1999 maioritatem in concilio non iam haberent, a secunda ambitione abstinuit. Ioannes Rau (SPD) 1 Iulii 1999 ei successit.

Post officium[recensere | fontem recensere]

Postquam magistratum reliquit, claris orationibus alios ad plausus, alios ad repudiandum movit, cum e.g. moneret, ne re publica regeretur a viris grandaevis beneficiis tributis fruentibus (Theodisce Rentnerdemokratie), quorum numerus cresceret. Coniuge mortua feminam nobilem nomine de Berlichingen anno 2001 in matrimonium duxit, quacum in arce Goetzenburg[1] usque ad mortem habitavit.

Adnotationes[recensere | fontem recensere]

  1. Goetzenburg sive arx vetus, in Iagsthausen sita, sedes fuit equitum de Berlichingen, quorum ille Goetz, postea famosissimus factus opere dramatico Goethiano Goetz von Berlichingen mit der eisernen Faust, (Goetz de Berlichingen ferreo praeditus pugno) aliquot annos puer vixit; de quo equite arx nomen traxit.
Praesides Germaniae
Coat of arms of Germany.svg
1919–1945 Fridericus Ebert 1919 • Gualterus Simons 1925, pro tempore • Paulus de Hindenburg 1925 • Adolphus Hitler ductor 1934 • Carolus Dönitz 1945
1949– Theodorus Heuss 1949 • Henricus Luebke 1959 • Gustavus Heinemann 1969 • Gualterus Scheel 1974 • Carolus Carstens 1979 • Ricardus de Weizsaecker 1984 • Romanus Herzog 1994 • Ioannes Rau 1999 • Horatius Koehler 2004 • Ioannes Böhrnsen 2010, pro tempore • Christianus Wulff 2010 • Horatius Seehofer 2012, pro tempore • Ioachimus Gauck 2012