Pericles Ducati

Pericles Ducati

Res apud Vicidata repertae:

Nativitas: 11 Iulii 1880; Bononia
Obitus: 17 Octobris 1944; Cortina Ampecanorum
Patria: Regnum Italiae

Memoria

Sepultura: Certosa di Bologna

Conspectus opinabilis in Kainua (hodie Marzabottum), urbem Etruscam, a Pericle Ducati anno 1920 circa facta.

Pericles Ducati, vulgo Pericle Ducati (Bononiae natus die 11 Iulii 1932; Cortinae Ampecanorum mortuus die 17 vel 28 Octobris 1944), fuit archaeologus et etruscologus Italicus, auctor multorum librum de re archaeologica et professor archaeologiae in Universitate Bononiense.

Biographia

Pericles Ducati natus est Bononiae anno 1880, e familia Tridentina ortus. Litteris Italicis Bononiae Romaeque studuit, magistro Iosue Carducci. Doctoris insigne consecutus est, et diploma archaeologicum accepit. Magister archaeologiae in Studio Generale Siciliae Catanae (inter annos 1912 et 1916), in Universitate Augustae Taurinorum (inter annos 1916 et 1920), et in Universitate Bononiae docebat. Ab anno 1921 usque ad mortem, munere rectoris Musei Civici Bononiensis fungebatur, annoque 1923 praeses ordinis litterarum philosophiaeque Universitatis Bononiensis factus est, ubi usque ad 1929 merebat. Socius Consilii Superioris Antiquitatis et Artium Academiae Lynceorum erat. Artibus Romanis Etruscisque studens, libros de Graecis atque Etruscis divulgavit. Die 13 Maii 1942, in Academiam Scientiarum Augustae Taurinorum cooptatus est.

Indutiis cum regno Italico anno 1943 factis, Ducati factioni fascisticae favere coepit, Rem Publicam Socialem Italicam adiuvans, sed die 24 Februarii 1944, tumultuarii ad eius domum pervenientes illum plumbo petiverunt. Severe vulneratus, mortuus est die 17 vel 28 Octobris eodem anno in nosocomio apud Cortinam Ampecanorum.

Opera selecta

• Brevi osservazioni sul ceramista attico Brigo, Bononiae, Società cooperativa tip. Azzoguidi, 1904.
• I vasi dipinti nello stile del ceramista Midia. Contributo allo studio della ceramica attica, Romae, Academia Lynceorum, 1909.
• Sui riti funebri dei sepolcreti etruschi felsinei, Bononiae, Stab. Poligrafico Emiliano, 1915.
• Osservazioni di demonologia etrusca, Romae, Typographia Academia Lynceorum, 1916.
• L'arte classica, Augustae Taurinorum, UTET, 1920.
• Pontische Vasen, Berolini, 1932.
• La scultura greca, Florentiae, 1933-36.
• La scultura etrusca, Florentiae, 1934.
• La scultura romana, Florentiae, 1934.
• Le problème étrusque, Lutetiae, 1938.

Bibliographia

• Laurenzi, Luciano, Commemorazione dell'accademico effettivo Pericle Ducati, in "Memorie della Accademie delle Scienze di Bologna", Bononiae, Azzoguidi, 1961.
• Mansuelli, Guido Achille, In memoria di Pericle Ducati, Bononiae, Tipografia Compositori, 1946.
• Serra Ridgway, F. R., Ducati Pericle, in “Encyclopedia of the History of Classical Archaeology. Nancy Thomson de Grummond”, Westport Connecticutae: Greenwood Press, 1996.
• Tulliach, Anna, "Pericle Ducati museologo: Il Museo Civico di Bologna tra il 1921 e il 1944." Sibrium 30, 2016.