Occa

Occa
Ostium Occae in Rha apud Novogardiam Inferiorem
Longitudo	1498,6 chm
Altitudo fontis	226 m
Decursus aquae	in ostio 1300 m³/s
Area systematis	245 000 chm²
Fons	Regio Orelensis
Ostium	Rha in Novogardia Inferiore
Regio	Russia Europaea

Vide etiam paginam discretivam: Occa (discretiva)

Occa^[1], vulgo Oca (Russice Ока), etiam υτ Aucensis fluvius^[2] nota, est flumen magnum in Russia Europaea, Rha fluminis accolarum dextrorum maximus. Occae longitudo circa 1500 chm est.

Occa ad Paulopolim

Fluxus[recensere | fontem recensere]

In regione Orelensi prope Alexandrovkam vicum oritur; per elevationem Russiae Mediae^[3] ad septentrionem in valle profunda fluens, in Orela urbe aquas Orlici accipit. In regionem Tulensem intrat et Uppam accolam accipit, post in regione Calugensi Ugram, ubi et Caluga regionis caput ad Occam sita est. Prope ad Calugam ad orientem vertit. A Serpuchovia ad Stupinopolim per confinium regionis Moscuensis et Tulensis fluit. Mosco accola in Columna urbe accepto ad meridiem et orientem per regionem Resaniensem in Resaniam fluit. Post Casimoviam per confinium regionis Volodimiriensis et Novogardiensis Inferioris flluit, ubi et Muromum urbs ad Occam situm est. In Novogardia Inferiore in Rha flumen effunditur.

Pons ferriviarius trans Occam Kochirae

Accolae[recensere | fontem recensere]

Inter flumina quae in Occam influunt numerantur (a fontibus ad ostium):

Urbes ad ripas sitae[recensere | fontem recensere]

Inter urbes in eius ripis sitas numerantur

Orela regionis Orelensis caput,
Caluga regionis Calugensis caput,
Serpuchovia, Stupinopolis, Kochira, Columna regionis Moscuensis,
Resania regionis Resaniensis caput et Casimovia eiusdem regionis,
Muromum regionis Volodimiriensis,
Paulopolis ad Occam regionis Novogardiensis Inferioris et ipsa Novogardia Inferior regionis caput.