Latinitas nondum censa

Nicolaus Trubeckoj

E Vicipaedia
Salire ad: navigationem, quaerere
Wikidata-logo.svg Nicolaus Trubeckoj
Res apud Vicidata repertae:
Nicolaus Trubeckoj: imago
Nativitas: 16 Aprilis 1890; Moscua
Obitus: 25 Iunii 1938; Vindobona
Patria: Russia

Nicolaus Sergii filius Trubeckoj seu Trubetzkoy (Russice Николай Сергеевич Трубецкой, tr. Nikolaj Sergeevič Trubeckoj; 16 Aprilis 189025 Iunii 1938) fuit linguista Russicus (ab anno 1920 in demigratione colens), etiam ut philosophus notus.

Vita et opera[recensere | fontem recensere]

Nicolaus Trubeckij, e gente ducali antiqua, filius rectoris Universitatis Moscuensis, quindecem annos agens opus suum primum scientificum (de cantione Finnica Kulto neito) in lucem edidit. Anno 1907 studia sua historica comparativa atque typologica systematum grammaticorum linguarum gentium indigenarum Caucasi Septentrionalis, Tschucotiae et Camtschatcae incepit.

Studiis suis in gymnasio completis, Trubeckoj ab anno 1908 ad annum 1912 in facultate historiae et philologiae Universitatis Moscuensis educabatur. Pro gradu magistri studens, annis ab 1913 ad 1914 in Universitate Lipsiensi lectiones audivit. Cum probationes pro gradu magistri sustinuit, anno 1915 in Universitate Moscuensi linguisticam comparativam docere incepit. Eodem anno dissertationem pro gradu doctoris (de lingua Slavica communi antiqua) scribere coepit. Cum anno 1917 res novae in Russia acciderunt, Trubeckoj erat in Caucaso, explorationium scientificarum suarum causa, et Moscuam nunquam revenit. Anno 1918 in Universitate Rostoviensi docebat.

Anno 1920 Trubeckoj in Bulgariam migravit, ubi in Universitate Serdicensi linguisticam comparativam docebat. Anno 1922 autem Vindobonam movit, ab anno sequente professor Universitatis Vindobonensis fuit, paulo post etiam praefectus cathedrae philologiae Slavicae factus. Anno 1925 in Academiam Scientiarum Vindobonensem electus est.

Trubeckoj ad studium linguarum Slavicarum contribuit. Principia theoretica phonologiae atque morphophonologiae elaboravit. Fuit unus e conditoribus Circuli linguistici Pragensis. Praeterea, particeps fuit activus motus Eurasiatici, valorem magnam haereditatis nomadorum stepporum Asiae (praesertim Imperii Mongolici) pro cultura Russica videntis. Sectator Ecclesiae Orthodoxae, communismum et nazismum damnabat.

Anno 1938, Austria a Germania nazistica occupata, Nicolaus Trubeckoj pervestigatus est, et multa manuscripta eius confiscata sunt. Hoc evento perturbatus et iam anno ultimo vitae suae valetudine affectus, Trubeckoj paulo post obiit, infarctus myocardii causa.

Nexus externi[recensere | fontem recensere]