Latinitas nondum censa

Neva

E Vicipaedia
Jump to navigation Jump to search
Flumen Neva prope arcem Petri et Pauli in urbe Petropoli

Neva[1] seu Nieva[2] (Russice Нева) est flumen in Russia, in regione Leninopolitana et Petropoli. E lacu Ladoga fluit, 74 chiliometra patet et in Sinum Finnicum Maris Baltici effunditur per deltam magnam, ubi, in multa deverticula divisa, permultas insulas facit.

Delta Nevae[recensere | fontem recensere]

Insularum maxima est insula Basilii inter Nevam Maiorem et Nevam Minorem. Nevula Maior, quae iam fluxu superiore a Neva abiit, a parte Viburgiensi (sic Petropoli Nevae ripa septentrionalis nuncupatur) partem Petropolitanam (Petrogradskaia storona) dictam separat necnon regionem, quae tota Insulae (Ostrova) appellatur. Nevula Minor partem Petropolitanam ab Insulis separat et cum Neva Minore aestuarium commune habet.

Insula maxima partis Petropolitanae insula Petrogradskij est. Prope eam insula Leporina parva sita est, in qua Arx Petri et Pauli aedificata est. Insulam Apothecariam[3] a Petrogradskij Karpovka deverticulum separat et insulam Petri[4] Ždanovka.

Insulae maiores tres sunt: insulam Lapideam[5] ab insula Crucis[6] Krestovka deverticulum separat easque ambas ab insula Elaginis Nevula Media.

Insula Rotunda[7], ad meridiem ab ostio Nevae Maioris iacet, ubi portus maritimus Petropolitanus situs est.

Notae[recensere | fontem recensere]

  1. ↑ Novi commentarii Academiae scientiarum imperialis petropolitanae (1772), tomus XVI., p. 701
  2. ↑ I. Hofmannus, Lexicon universale (1698), tomus III., p. 322
  3. ↑ Gregorii Sobolewski Flora Petropolitana, Petropoli 1799, p. 74, 192 (Textus apud Google Books)
  4. ↑ Ibidem. Vel Petrowsky, — ibidem, p. 13.
  5. ↑ Flora Petropolitana, Petropoli 1799, p. 74, 192 (Textus apud Google Books)
  6. ↑ Francisci Iosephi Ruprecht, Flora Ingrica, vol. I, Petropoli 1860, p. 195 etc.
  7. ↑ Nunc Gutuevskij, Flora Petropolitana, Petropoli 1799, p. 61 (Textus apud Google Books)

Nexus interni[recensere | fontem recensere]

Nexus externi[recensere | fontem recensere]

Wikidata-logo.svg Situs geographici et historici: Locus: 59°57′24″N 31°2′44″E, 59°56′41″N 30°18′34″E • 1114249 OpenStreetMap • GeoNames  • Большая российская энциклопедия • Encyclopædia Britannica
Commons-logo.svg Vicimedia Communia plura habent quae ad Nevam spectant.
Receptum de "https://la.wikipedia.org/w/index.php?title=Neva&oldid=3625510"