Insula Crucis
Insula Crucis[1] (Russice Крестовский остров, Krestovskij ostrov) est insula in Petropoli in delta Nevae. Nevula Minor insulam Crucis ab insulis Apothecaria, Petropolitana et Petri separat, Krestovka deverticulum parvum ab insula Lapidea et Nevula Media ab insula Elaginis. Pars insulae Crucis occidentalis in sinum Finnicum spectat.
Pars insulae borealis paludinosa a deverticulo parvo Nevulae Mediae Vinnovka nomine separata erat, donec annis sexagesimis saeculi XX canalis remigationis Petropolitanus constructus est, qui vallem Vinnovkae pristinam totam occupat; haec pars "insula Bovina" (Byčij) nuncupatur. Čuchonka deverticulum parvum Nevulae Minoris in Nevulam Mediam influens usque ad annum 1952 insulam transsecabat et in duas partes dividebat, nunc partim obruta est.
Origo nominis incerta est; fabulae Petropolitanae vel eucterium quoddam cum cruce magna in insula fuisse vel in humo magnam crucem obrutam inventam esse, cum domus Nataliae Alexii filiae construebantur, cui Petrus I anno 1708 insulam dedit. Est in insula lacus artificialis formam crucis habens et aliquot lacus naturales. Saeculo XIX principes Vici Albi et Lacus Albi (Belosel'skie-Belozerskie) insulam possidebant.
Notae
[recensere | fontem recensere]Nexus externi
[recensere | fontem recensere] |
Situs geographici et historici: Locus: 59°58′20″N 30°15′8″E, 59°58′12″N 30°15′48″E • OpenStreetMap • GeoNames |