Delta fluminis

Danubii deltae tabula

Delta fluminis est genus ostii, quo in multa deverticula vel cornua flumen dividitur, quae in mare vel lacum effunduntur. Saepe formam triangulo propinquam deltae deorsum visae habent. Insulas permultas deltae habent, saepe paludinosas. Saepe iacent in terras alluviales.

Antiqui deltam Nili bene cognoverant, et haec prima delta nominabatur; deltae ceterae de hac delta nomen ceperunt.

Deltae maximae

Aeravati fluminis Birmaniae delta

Deltas maximas orbis terrarum habent:

• Ganges, area 105,6 milia chm²;
• Amazonia, 100 milia chm²;
• Lena, 45,5 milia chm²;
• Mecon, 40,6 milia chm²;
• Indus, 41,4 milia chm²;
• Mississippius, 28,6 milia chm²;
• Nilus, 24 milia chm²;
• Volga, 19 milia chm²;

In delta Nemeni

Deltae interiores

Interdum, cum flumen in lacum exsiccatum effundebatur, deverticula deltae veteris rursum coniunguntur; hoc delta interior appellatur. Exemplum est Niger flumen.

Mississippius flumen deltam veram maximam habet in Ludoviciana civitate, ubi in sinum Mexicanum effluit; regio autem, quae saepius Delta Mississippii ^[en] nominatur, sensu hydrographico nec delta nec delta interior est.

Nexus externi

• Deltae orbis terrarum (Universitas Publica Ludoviciana)