Roman numeral 10000 CC DD.svg
Latinitas inspicienda

Lacus Ladoga

E Vicipaedia
Jump to navigation Jump to search
Lacus Ladoga

Vide etiam paginam discretivam: Ladoga (discretiva)

Ladoga [1] (Russice Ладога; Carelice Luadogu; Finnice Laatokka), seu Lacus Ladoganus[2] (Russice Ладожское озеро, tr. Ladožskoe ozero), est lacus in septentrio-occidente Russiae (in re publica Carelia et regione Leninopolitana terrae illius), Europae amplissimus. Isthmo Carelico a sinu Finnico maris Baltici Ladoga separata est.

Area huius lacus est 17,7 milia chm2, seu 18,4 milia chm2 cum area insularum. Longitudo 219 chm, latitudo mediocris 83 chm est. Profunditas mediocris 51 m, profunditas maxima (in parte septentrionali) 230 metra est. Volumen aquae in lacu est circa 908 chm3.

Multa flumina in Ladogam defluunt, quorum maxima sunt Volchova, aquam lacus Ilmeni ferens; Svir aquis Onegae lacus et Vuoksi aquis Saimaae lacus Ladogam augent. Sola Neva flumen (in sinum Finnicum effunditur) e lacu effluit. Canalis Ladogensis secundum ripam lacus meridionalem it.

Ladogae despectus (Michaelis Clodt[ru] pictura)

Insulae circa 660 Ladogae sunt, quarum notissimae Balaamicae[3]. Pars Ladogae septentrionalis skär archipelagis occupata est.

Urbes in litore Ladogensi maximae sunt Schlusselburgum in fonte Nevae situm, Nova Ladoga in ostio Volchovae, Corela in litore occidentali et Olonicia haud longe a litore occidentali.

Hic lacus tempore antiquo Nevo vocabatur; appellatio hodierna (de nomine urbis Ladogae) e saeculo tredecimo in usu est.

Notae[recensere | fontem recensere]

Nexus externi[recensere | fontem recensere]

Wikidata-logo.svg Situs geographici et historici: Locus: 61°0′0″N 31°30′0″E • OpenStreetMap  • Большая российская энциклопедия • Encyclopædia Britannica
Vicimedia Communia plura habent quae ad lacum Ladogam spectant.