Insula Basilii
Insula Basilii[1] (Russice Васильевский остров, Vasil'evskij ostrov) est insula Petropoli maxima, in delta Nevae, inter deverticula Nevam Maiorem et Nevam Minorem. Smolenka deverticulum parvum insulam Decembristarum ab insula Basilii separat. Technophylacium, Academia Scientiarum Petropolitana, Universitas Publica Petropolitana, Palatium Petri II, Palatium Menšikovii, Academia Artium Petropolitana, Institutum Metalleutices aliaque plura in insula Basilii sita sunt.
Tres vias magnas parallelas insula Basilii habet, Viam Maiorem, Viam Mediam et Viam Minorem, quae non viis, sed lineis numeratas perpendiculariter transgressae sunt; linea unam partem viae inclusit, ut via sensu solito duabus lineis composita est.
Acumen[2] insulae Basilii, a Bursa Petropolitana cum columnis rostralibus occupatum, quo Neva hic latissima in Nevam Maiorem et Minorem dividitur, cum arce Petri et Pauli in ripa Nevae boreali et Aula Hiemali in ripa austali, partem Petropolis mediam in hac bifurcatione fluminis quasi definit.
Notae
[recensere | fontem recensere]- ↑ Ioannis Petri Kohlii(de) Introductio in historiam et rem literariam Slavorum, Altonaviae 1729, p. 24 (Textus apud Google Books); Flora Petropolitana, Petropoli 1799, p. 13 (Textus apud Google Books); Flora Ingrica ex schedis Stephani Krascheninnikow, Petropoli 1761; p. 4 (Textus apud Google Books); Francisci Iosephi Ruprecht Flora Ingrica, vol. I, Petropoli 1860; p. 238 (Textus apud Google Books); Analecta sacri Ordinis Fratrum Praedicatorum, Romae 1897, p. 336.
Insula Basileensis, — Flora Petropolitana curante Gregorio Sobolewski, Petropoli 1799, p. 150. - ↑ Russice стрелка, promunturium inter duos ramos fluvii divergentes.
Nexus externi
[recensere | fontem recensere] |
Situs geographici et historici: Locus: 59°56′19″N 30°15′23″E • OpenStreetMap • GeoNames |