Canalis Ladogensis

Canalis Ladogensis^[1] vel Ladogensis vetus est canalis secundum litus Lacus Ladogae ductus. E flumine Volchova Novae Ladogae incipit et in Nevam flumen Schlusselburgi effluit. 117 chiliometra longitudinis habet. Pars systematis aquarii Vysznievolociani erat.

Historia

In Ladoga lacu saepe tempestates navibus non magnis valde periculosae fiunt, et Petrus Magnus anno 1719 canalim e Volchova in Nevam effodi iussit, quo naves sine periculo agerentur. Anno 1731 canalis confectus est, sed cataractae etiam anno 1732 in Schlusselburgo et in Nova Ladoga aedificatae sunt. Annis vicesimis saeculi XIX aestatibus siccioribus canalis tenuiore fluit aqua et cataractae novae aedificatae sunt; tunc et de canalis Ladogensis novi aedificatione consilium captum est, qui tamen solum annis sexagesimis constructum est, canalis autem Ladogensis vetus relictus est. Nunc paene omnis obrutus est, solum Schlusselburgi et Novae Ladogae altus et aqua plenus est.

Canales inter Volchovam et Svirem

Canalis Siasensis vetus, qui Volchovam cum Sias' flumine coniungit, et canalis Svirensis vetus, qui Sias' cum Svire, saepe partes canalis Ladogensis veteris habentur et sic in tabulis signantur.

Notae

↑ De nomine tabulam vide; cf. Atlas Russicus, Petropoli 1745, p. 4; 'Fossa Ladogensis — J.J. Oberlini Iungendorum marium fluviorumque omnis aevi molimina..., Argentorati 1775, p. 102.

Bibliographia

Мариинская водная система. Выдающиеся гидротехнические сооружения мира. Автор-сост. Чистиков А. Н. СПб.: «Лики России». 2011 г. (Russice)

Nexus externi

Situs geographici et historici: Locus: 59°56′32″N 31°2′43″E • OpenStreetMap • GeoNames

Vicimedia Communia plura habent quae ad canalem Ladogensem spectant.

[1] De nomine tabulam vide; cf. Atlas Russicus, Petropoli 1745, p. 4; 'Fossa Ladogensis — J.J. Oberlini Iungendorum marium fluviorumque omnis aevi molimina..., Argentorati 1775, p. 102.

[1]