Cancer stomachi

Adenocarcinoma stomachi

	Cave: notitiae huius paginae nec praescriptiones nec consilia medica sunt.

Cancer stomachi (carcinoma stomachi) est morbus stomachi, accurate crebra magis inter viros quam inter mulieres species cancri, quamquam crebritas huius morbi ultimis annis subsidit.

Causa morbi

Helicobacteris pylori infectio huius cancri causa esse potest. Etiam aliqua cibi genera hunc cancrum creare potunt, nam cancri stomachi crebritas secundum civitates et ergo alimentationis mores mutat; exempli gratia maxima est in Iaponia, Chilia, Ora Opulenta, Columbia, Sina, Lusitania, Russia et Bulgaria.

Indicia morbi

• Defatigatio
• Sensus pressionis in abdomine superiori
• Dolores abdominis superioris
• Deminutio ponderis
• Amissio cibi appetentiae praecipue carnis
• Melaena, id est faeces cum sanguine ac haemorrhagiae
• Foetor ex ore

Classificatio

Si tumor inventus parvus est (momentum T1) et cellulae malignae in nodis lymphaticis et metastases non sunt, saepe est hic cancer sanabilis, nam quinque annos post inventionem morbi circa 65 % hominum hoc cancro laborantium adhuc vivunt.

Invicem, cum tumor iam maior est (exempli gratia momentum T3), quinque annos post inventionem morbi solum 5 % hominum hoc cancro laborantium supersunt.

TNM Classificatio

T1	Tumor in laminam propriam (T1a) aut telam submucosam (T1b) penetrat (id est carcinoma praecox).
T2	Tumor in tunicam muscularem aut subserosam penetrat.
T3	Tumor in tunicam serosam penetrat, sed alia membra non tangit.
T4	Tumor alia membra (lienem, intestinum crassum, iecur, diaphragma, parietem abdominalem, pancreas, glandulas suprarenales, renes, retroperitoneum) tangit.
N0	Nodi lymphatici sani sunt.
N1	Cellulae aegrae in uno usque ad duobus nodis lymphaticis inveniuntur.
N2	Cellulae aegrae in tribus ad sex nodis lymphaticis inveniuntur.
N3	Cellulae aegrae in septem aut pluribus nodis lymphaticis inveniuntur.
M0	Metastases non adsunt.
M1	Metastases inventae sunt.

Therapia

Praecipuus modus hunc cancrum curandi est chirurgia, id est tumorem et propinquiores stomachi partes removere. Chemiotherapia et radiotherapia solum adiuvare possunt.

Nexus externus

• De stomachi cancro (Germanice)

Haec stipula ad medicinam spectat. Amplifica, si potes!