Augusta Raurica

E Vicipaedia
Salire ad: navigationem, quaerere
Augustae Rauricae antiquae collocatio inter Augst et Kaiseraugst.

Augusta Raurica (Germanice:Augst) est vicus Germanophonicus prope Rhenum in pago Helvetico Basilia Rure. Medio Aevo exeunte a vicino vico Castro Rauracensi (Germanice:Kaiseraugst) separata est postquam per plura saecula una urbs fuerant.

Historia[recensere | fontem recensere]

Bello Gallico confecto iussu Caesaris colonia veteranorum Romanorum in fines Rauricorum a Lucio Munatio Planco anno 44 a.C.n. deducta est[1]. Ob bellum civile Romanorum (49-30 a.C.n.) urbs non statim aedificata esse videtur[2] sed Augusto imperatore Lucius Octavius quidam coloniam rursus ordinavit atque nuncupavit : Colonia Paterna Pia Apollinaris Augusta Emerita Raurica tunc dicta est. Augusta Raurica Rauracorum civitatis caput erat, quam civitatem Augustus provinciae Galliae Belgicae, Domitianus provinciae Germaniae Superiori, Diocletianus provinciae Sequaniae adscripserunt. Omnibus aedificiis ad rem urbanam Romanam pertinentibus ornata est Augusta Raurica : foro, templo Iovis, templo ad imperatorum cultum dedicato, basilica, theatro, amphitheatro, thermis... Cellaria quoque et officinae opificum carnem fumigantium et tabernae et domus privatae effossae sunt. Quae omnia et in situ et in Museo ( Römermuseum Augst) visere licet.

Si vis plura legere[recensere | fontem recensere]

Theatrum Romanum
  • Rodolphus Fellmann, La Suisse gallo-romaine  : cinq siècles d'Histoire. Lausanne : Payot, 1992
  • Frederica Menulis, "Augst / Augusta Raurica, Suisse : ville romaine au bord du Rhin", L'archéologue 2016(140) : 66-77.
  • Barbara Pfäffli, Petit guide d'Augusta Raurica, Augst, 2010.
  • Petrus-Andreas Schwarz, 'Augst / Augusta Raurica (Suisse)', Supplément à la Revue archéologique du centre de la France, 2004(25/1) : 355-359 Hic legere potes

Notae[recensere | fontem recensere]

  1. Inscriptio in mausoleo Gaetano Munatii Planci.
  2. Fellmann (1992) pp.17-18



Terra Haec stipula ad geographiam spectat. Amplifica, si potes!