Astrachanum

E Vicipaedia
Salire ad: navigationem, quaerere
Insigne Astrachani

Astrachanum,[1][2] Astracanum,[3] seu Astrachania,[4] vulgo Astrachan[5] (Russice Астрахань), est urbs Russiae, metropolis regionis Astrachanensis, prope ostium Rha fluvii sita, quae 520.7 milia incolarum anno 2010 habuit.

Astrachanum est sedes transportationis, quod portum fluvialem marinumque, aeroportum, et stationem ferriviarum habet. Urbs est valens industriae et culturae medium, ubi sunt quaedam universitates (e.g. Universitas Publica Astrachanensis) aliaque instituta educationis, theatra, et musea. Astrachani sunt nonnulla quoque historica architecturae monumenta.

Historia urbis[recensere | fontem recensere]

Cremlinus Astrachani.

Astrachanum oppidum primo commemoratum est saeculo tertio decimo, nomine Tartarorum. Dein fuit valens mercaturae sedes. Ab anno 1459 fuit caput regni, sed anno 1556 captum est a copiis tzaris Moscoviensis Ioannis IV, et factum est pars Russiae.

Anno 1558, Astrachani aedificatum est castellum, et annis 15821589 constructus est cremlinus lapideus. Urbs fuit castrum confine regni Russici et principalis mercaturae locus cum terris Asiae.

Annis 16701671, Cosaci agricolaeque resurgentes, quorum dux fuit Stephanus Razin, Astrachanum dominabantur. Annis 17051706 urbs fuit locus rebellionis Astrachanensis.

Annis 17171785 et ab anno 1790, Astrachanum fuit metropolis gubernationis. Ab decennio 188 fuit valens mercaturae naphtinae locus.

Tempore Belli Civilis Russici, Astrachanum fuit obiectum pugnarum acrium.

Ab anno 1943, urbs est metropolis regionis Astrachanensis.

Notae[recensere | fontem recensere]

Nexus externus[recensere | fontem recensere]

Commons-logo.svg Vicimedia Communia plura habent quae ad Astrachanum spectant.