Algeria
Algeria
Locus: 36°46′35″N 3°3′31″E
Numerus incolarum: 3 415 811
Zona horaria: UTC+1
Geographia
Coniunctiones urbium
Tabula aut despectus
Algeria[1][2][3] (Arabice al-Ǧazāʾir, Francogallice Alger) est urbs circiter 3 500 000 incolarum et caput civitatis Algerii in Africa Septentrionali.
Hoc loco emporium posuerunt Poeni Carthaginenses deinde a Romanis in coloniam iure Latino erectum. Urbem autem hodiernam Bulukkīn ibn Zīrī [de] anno 944 condidit. Anno 1516 rursusque 1529, a Barbarossa capta, Algeria in imperium Ottomanicum recepta est arxque piratarum facta est. Denuo a Francis anno 1830 obsessa et devicta urbs principalis coloniae Francicae Algeriensis erat usque in 1962, quo anno, libertate Algerii bello nacta, urbs Algeria novae civitatis caput facta est.
Index
Nomen[recensere | fontem recensere]
Urbs antiqua Latine Icosium[4][2] appellata est, Graece Ἰκόσιον, Phoenicice fortasse a principio Yksm, quod nomen "insula strigum" interpretanda sit.[5] Urbs autem mediaevalis et hodierna, ab anno 944 crescens, nomen habet Arabicum brevius et communius الجزائر al-Ǧazāʾir (unde Latine Algeria) scilicet "insulae", longius a principio جزائر بني مزغانة Ǧazāʾir Banī Mazġāna "insula filiorum Mazġāna [en]". Non est cur de origine nominum miremur: iacebant enim ante saeculum XVI insulae quattuor iuxta portum Algeriensem quae iamdudum cum terra firma coniunguntur. Mazġāna sive Ṣanhāja, gens Libyum "Barbarorum", hunc pagum saeculo X possidebat.
Aer[recensere | fontem recensere]
Icosii aestates calidae sunt; hieme interdum pluvia cadit. Nam magna pars imbrium e mense Octobre usque ad mensem Aprilem effunditur.
Notae[recensere | fontem recensere]
- ↑ "Algeria, urbs Africae ... Regio adiacens dicitur regnum Algerii": Iohannes Iacobus Hofmannus, Lexicon universale (1698) ~
- ↑ 2.0 2.1 "Icosium, Algaria, Algerianensis, Algeriensis, Algerium, Icosiensis, Icosium in Mauretania Caesariensi": J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
- ↑ Vb. adiect. "Algeriensis": "Archidioecesis Algeriensis" e The Hierarchy of the Catholic Church (situs a Davide M. Cheney elaboratus) (Anglice)
- ↑ "Icosium" in William Smith, ed., Dictionary of Greek and Roman Geography (Londinii, 1854) textus
- ↑ Edward Lipiński, Itineraria Phoenicia (Lovanii: Peeters, 2004) pp. 402-403 (Paginae selectae apud Google Books)
Nexus externus[recensere | fontem recensere]
|
Vicimedia Communia plura habent quae ad urbem Algeriam spectant. |
Ordine alphabetico enumeratae: Abugia • Accra • Algeria • Antananarivo • Asmara • Bamako • Bangui • Banjul • Bissau • Brazzapolis • Bujumbura • Cairus • Conakry • Dakar • Dodoma • Gaborone • Gibuti • Harare • Iuba • Kampala • Khartum • Kigali • Kinshasa • urbs Libera • Liberopolis • Lilongwe • Lome • Luanda • Lusaka • Malabo • Maputo • Maseru • Mbabane • Mogadiscio • Monrovia • Moroni • Nairobia • Ndjamena • Neanthopolis • Niamey • Nouakchott • Portus Ludovici • Portus Novus • Praetoria • Praia • Rabatum • Tripolis • Tunes • Uagadugu • Sanctus Thomas • Victoria • Windhoek • Yamussukro • Yaunde
