Simon V de Monteforti
Simon V Montisfortis seu de Monteforti (natus anno circiter 1170; mortuus Tolosae die 25 Iunii 1218), filius maior natu Simon IV de Monteforti et Amiciae (filiae Roberti comitis Leicestriae), fuit dominus Montis Fortis et comes de Rocha, patre mortuo, anno 1188; comes Leicestriae, avunculo mortuo, ab anno 1204. Anno 1209 factus est dux exercituum Crucis signatorum qui expeditionem sacram in Albigenses iussu Innocentii III papae fecerant. In successione dominorum Montisfortis fuit quintus huius nominis,[1] et in successione comitum Leicestrensium quintus. Appellatione "comitis Montisfortis" seu "de Monteforti" in fontibus coaevis saepe dignatur.
Particeps fuit ab initio quartae expeditionis sacrae, sed ab obsidione Zarae se recusavit.
E victoriis super "haereticos et inimicos ecclesiae Christi" atque ab anno 1215 cum confirmatione papae, feodos et terras quas Raimundus VI hucusque tenuerat Simon a parte Philippi Franciae regis recepit, itaque fit dux Narbonensis, comes Tolosae (1215-1218), vicecomes Biterrensis, Carcassonae et Albiae (1213-1218). Die 10 Aprilis 1216 Meloduni ratione horum feudorum homagium ligium domino suo reddit.[2] Mense Iunio anni 1218, dum Tolosam obsedit, interfectus est.
In matrimonium anno circiter 1190 Aliciam de Montemorenciaco duxit, e qua genuit:
- Amalricus patris successor in Francia (mortuus 1241)
- Guido (interfectus 1220)
- Petronella
- Amicia (mortua 1253)
- Laura
- Simon VI de Monteforti qui ab anno 1231 comitatum Leicestriae terrasque in Anglia, aviae haereditates, suscepit (interfectus 1265)
Index |
Fontes vitae Simonis de Monteforti [recensere]
Notae [recensere]
- ↑ Quidam e confusione Simonis III (avi huius) et Simonis IV (patris) numerum falso quartum attribuunt. Cf. Vicipaediam Francogallicam
- ↑ Claude de Vic et Vaissète, Histoire générale de Languedoc vol. 5 (Tolosae: Paya, 1847) p. 598 [1] (Latine) apud Gallica
Bibliographia [recensere]
- "Simon de Montfort" apud The Catholic Encyclopedia: an international work of reference (Novi Eboraci: Appleton, 1907-1914) textus alius
- Reinhold Pauli, Simon de Montfort, Earl of Leicester, the creator of the House of Commons (Londinii, Trübner, 1876) pp. 22-30 Textus apud archive.org
- G. W. Prothero, The Life of Simon de Montfort, Earl of Leicester, with special reference to the parliamentary history of his time (Londinii: Longmans, Green, 1877) pp. 31-58 Textus apud archive.org
Nexus externi [recensere]
 |
Vicimedia Communia plura habent quae ad Simonem V de Monteforti spectant. |
- "Simon de Montfort" e Medieval Lands (situs a Carolo Cawley elaboratus apud FMG)
- Homagium Simonis de Monteforti regi Franciae oblatum apud Quercy.net
| Antecessor: Simon IV de Monteforti |
dominus de Monteforti  1188 - 1218 |
Successor: Amalricus IV |
| Antecessor: Raimundus Rogerius Trencavelli |
vicecomes Albiae et Biterrensis  1209 - 1218 |
|
| Antecessor: Raimundus VI |
comes Tolosae, dux Narbonensis  1215 - 1218 |
|
| Antecessor: Robertus de Bretolio |
V comes Leicestriae  1204 - 1218 |
Successor: Simon VI de Monteforti |
