Latinitas bona

Paeninsula Tamanica

E Vicipaedia
Salire ad: navigationem, quaerere
Paeninsula Tamanica in tabula geographica Russica, deltam Hypanis fluvii depingenti (circa annum 1870)

Paeninsula Tamanica[1] (Russice Таманский полуостров, tr. Tamanskij poluostrov), a septentrione Palude Maeotidi, ab occidente Bosporo Cimmerio, et a meridie Ponto Euxino alluetur, nunc pars territorii Crasnodariani (ut plurimum, eius districti Temrucensis) Foederationis Russicae est.

Aream circa 1700 km2 habet, quorum plus quam 900 km2 ad terram, alia ad sinus etc. pertinent. In antiquitate autem formam insularum a fretis separatarum habebat.

Historia[recensere | fontem recensere]

Tempore antiqua a Scythis inhabitabatur, et dein pars Regni Bosporani fuit. Coloniae Graecorum Phanagoria et Hermonassa in hac paeninsula locabantur. Saeculo quarto paeninsula Tamanica a Hunnis occupata est, dein fuit pars media Bulgariae Magnae, et saeculo septimo in possessionem Cosrorum venit. Anno 969 paeninsula adiuncta est ad Rutheniam, vel Russiam, Kioviensem, cuius ducatus Tmutarakanensis ibi considebat. Circa ab anno 1100 haec regio a Cumanis dominabatur, et anno 1239 invasione Mongolo-Tatarorum subiecta est. Postea paeninsula ad annum 1483 in possessione Genuae erat, et dein pars chanatus Crimensis facta est. Postquam chanatus ille anno 1783 in Imperium Russicum inclusus est, paeninsula Tamanica non longe ad Imperium Ottomanicum pertinebat, et tempore Belli Russo-Turcici annorum 17871792 adiuncta est ad Russiam.

Nota[recensere | fontem recensere]