Lichas

E Vicipaedia
Salire ad: navigationem, quaerere
Lichas tunicam "Nessi" Herculi porrigit. Imago incisa sedecimi saeculi.

In mythologia Graeca Lichas (Lichae,m.), est servus Herculis. Iolen captivam ad Deianiram ducit et ab ea cum tunica Nessi sanguine imbuta ad maritum remittitur. Cum vero donum uxoris induit Hercules magnis cruciatibus torquebatur. Dolore furens insontem Licham pede rapuit, supra caput vehementer rotavit atque in Euboeum mare praecipitavit, unde Lichas scopulus, formam humanam adservans, natus a poetis dicitur. Hodieque commune nomi Euboeae sic nominatur.

Persona est tragoediarum quae mortem Herculis tractant : Trachiniae Sophocleae et Hercules Oetaeus Senecanus.

Fontes[recensere | fontem recensere]