Galfridus Monemutensis

E Vicipaedia
Salire ad: navigationem, quaerere

Galfridus Monemutensis,[1] ca. 1100 natus, mortuus ca. 1155, fuit clericus, historicus maioris monenti historiographiae Britannicae priscae, et fons insignis fabularum de Rege Arthuro.

Vita[recensere | fontem recensere]

Locus natalis Galfridi nobis ignotus est, fortasse Monemuta, cum qua urbe, nisi ibi natus sit, tamen manifeste aliquid habuit. Adulescens doctrinae se dedit apud scholas Oxonienses. Anno 1152 consecratus est episcopus sedis Sancti Asaphi Cambriae.

Opera[recensere | fontem recensere]

Opus primum Galfridi fuit Prophetiae Merlini, ante annum 1135 scriptum, partim a poematibus bardorum sumptum, ubi Merlinus regis Arthuri vates praedicit res futuras insulae Britanniae regnorumque Cambriae et Angliae.

Has prophetias Galfridus postea renovavit atque inseruit operi suo secundo, Historia regum Britanniae appellato. Ibi narravit res gestas Britanniae, partim a dictis bardorum, partim ab inventionibus suis congestas. Hoc opus illustrissimus fons est historiae vel potius mythologiae de rege Arthuro linguis Anglica Francogallica aliisque multis postea conscriptae.

Opus tertium Galfridi poema est epicum, Vita Merlini appellatum, sub anno 1150 scriptum.

Unam legis e paginis de
Monemuta
disserentibus

Monmouth - Monnow Bridge.jpg

Notae[recensere | fontem recensere]

  1. Nomine varie scripto: etiam Galfredus, Gaufridus, Monemuthensis, Monmutensis, etc.

Nexus externi[recensere | fontem recensere]

Wikisource-logo.svg Vide Historia Regum Britanniae apud Vicifontem.

Bibliographia[recensere | fontem recensere]

  • Geoffrey of Monmouth, The History of the Kings of Britain tr. Lewis Thorpe. Penguin Books: London, 1966. ISBN 0-14-044170-0
  • John Jay Parry, Robert Caldwell, "Geoffrey of Monmouth" in Roger Sherman Loomis, ed., Arthurian Literature in the Middle Ages: a collaborative history (Oxonii: Clarendon Press, 1959. ISBN 0-19-811588-1) (Anglice) pp. 72-93
  • John Morris, The Age of Arthur: A History of the British Isles from 350 to 650. Barnes & Noble: New York, 1996 (prima editio 1973). ISBN 1-84212-477-3