Fretum Drakeanum

Tabula Freti Drakeani finitima locorum locos A, B, C, D, E, F, secundum Foedus Pacis et Amicitia anni 1984 inter Tsiliam et Argentinam (Anglice signata).

Imago obliqua altitudinis, cum salinitate et temperatura aquae superficialis (Anglice signata).

Fretum Drakeanum, vel Mare Hocesianum, vel fortasse Fretum Draconis sive Transitus Draconis, est corpus aquae inter apicem australem Americae Australis prope Hornanum Caput, Tsiliam, et Insulas Aemodas Australes Antarcticae. Id meridio-occidentalem Oceani Atlantici partem (Mare Scotianum) cum meridio-orientalem Oceani Pacifici partem conectit, et in Oceanum Australem extenditur. Fretum suum nomen ex Francisco Dracone Equite, pirata saeculi sexti decimi, deducit; cuius sola navis reliqua, Freto Magellanico transito, procul ad australem Septembre 1578 vento adacta est. Hic casus apertam inter oceanos Atlanticum et Pacificum coniunctionem subiecit.

Anno autem 1525, nautae Francisci de Hoces navigatoris Hispanici, ad australem ab aditu Freti Magellanici vento adacti, crediderant eos finem terrae vidisse et hic casus ut videtur hoc transitum subiecerat. Qua pro causa, nonnulli historici Hispanici, Americani Latini, alii fontesque fretum appellant Mar de Hoces.

Primus transitus Europaeus per fretum notus fuit navigatio anno 1616 Eendracht, navis Nederlandicae, praefecto Gulielmo Schouten navigatore Nederlandico duce, qui eodem tempore Hornanum Caput nominavit.

• 

  Fretum Drakeanum (vel Hocesianum) inter Americam Australem et Antarcticam.

• 

  Proiectio orthographica Freti Drakeani.

Vide etiam

• Canalis Beagle
• García de Nodal
• Fretum Magellanum

Nexus externi

Vicimedia Communia plura habent quae ad Drake Passage spectant.

• De bathymetria freti, apud www.noc.coton.ac.uk/
• Fabula personalis de transitu freti, apud www.raydoan.com/
• Imago verticis in freto, apud visibleearth.nasa.gov